【Viu】陳慧嫻、唐詩詠、許靖韻同CY陳宗澤等今日出席馬場活動，詩詠自認橫財運麻麻，反而老友古巨期同葉念琛就超強！講到詩詠首拍ViuTV劇集《日落下的彩虹》，仲「破禁」演Day@COLLAR媽咪，佢就笑言係睇中可以同潘燦良演夫妻至接拍，收到劇本後見到有仔女都猶豫咗一陣，不過呢個媽咪同阿女係似朋友嘅，就衝破咗心理關口，加上自己都有朋友好後生做媽媽，所以44歲輕熟女演23歲女團成員媽咪都合理嘅！詩詠又讚Day可愛，仲經常教自己同燦Sir潮語，聽到佢哋一頭黑人問號，認真搞笑！
至於陳慧嫻被蔡一智封為「有腰慧嫻」，原來勤做運動兼節食嘅佢瘦咗廿幾磅，依家只得100磅鬆啲，目標減到100磅，望「覆啅」再開紅館騷晒完美身形！慧嫻姐姐又話今日係傑少病癒後首次見面，之前一直以短訊update近況，大讚好友身形正兼靚仔。至於同期嘅關淑怡早排傳病危，慧嫻姐姐坦言問晒寶麗金舊同事都冇人知道對方情況，又唔敢打擾其家人，以免太多事。想了解更多就睇足本訪問啦！
