【Viu】陳慧嫻紅館騷噚晚第二場，對於頭場因公主裙太重疑高踭鞋踩裙腳，不慎上演台上華麗跌低，慧嫻深深不忿表示：「真係有人以為我扮跌㗎！真係有冇良心㗎？我要玩都唔玩自己啦，雖然我每日都食4粒鈣片！場場都要仆親，咩年紀呀？會跌碎骨㗎！」
呢晚嘉賓就有AGA江海迦，慧嫻大讚對方：「AGA係我舊唱片公司嘅同事，2013年有一個朝頭早瞓醒覺，聽到首歌，咦好好聽，係一隻英文歌嚟嘅，唱到我好心噏，I am so sad I am so sad，I am so sorry…..我即刻問咁好聽有冇得改篇？唱片公司同事話，呢首歌係你同事㗎，佢自己會唱返中文㗎！AGA真係好叻，又識得作又識得唱……」
AGA呢晚冒住耳水不平衡上台，又表示一直得前輩祝福同鼓勵。而梁詠琪、Gin Lee、蔡一智等都有嚟捧場。
