【Viu】陳慧嫻紅館個唱今晚演出第5場，嘉賓就係「宇宙跳唱天團」ERROR！噚日先開完會展騷嘅4子，呢晚就即刻嚟紅館為慧嫻姐姐站台，喺《跳舞街》尾段型爆登場，畀大家一個超大surprise！
唱完《跳舞街》全場high到飛起，陳慧嫻搞笑淨係「點燈」肥仔，因為佢話唱咗咁多晚，只得肥仔呢位嘉賓係同佢差唔多身高，難得可以水平線咁對答，零舍有親切感！肥仔更即刻化身送水員，sweet到呢！陳慧嫻特別感謝ERROR開完騷即做嘉賓，認真係夠晒friend，仲多謝4子邀請佢拍新歌《野舞士》MV添！
初嘗四面台滋味嘅ERROR，為咗畀觀眾睇到佢哋個靚仔樣，圍住個圓台邊行邊講新歌MV搵慧嫻姐姐嘅由來！講講吓阿Dee話見到有好多嚟自兩岸三地嘅fans，提議以港普再打招呼：「戴家姣，禾們屎錯誤！」係咪想笑死人？之後就唱出《夜冇事（野舞士）》，大家快啲click片聽歌啦！
