【Viu】吳肇軒同Renci楊偲泳早前拍攝Viu Original本地原創劇
《The Singleton呈獻：轉角浣紗街》，劇情講述原本係歡喜冤家嘅兩位，把酒談心兼玩The Singleton推出嘅Card Game，互問問題，加深了解，令感情升溫！

軒仔同Renci受訪時，仲親解現實中嘅答案，同大家分享秘密同戀愛禁忌，到底魔鏡魔鏡邊個最靚？邊位先係軒仔嘅「最強酒友」？伴侶做錯咩事就要即刻「紅牌離場」？仲仲仲有軒仔喺最後嚟個「暴走式十指緊扣」，保證笑到有腹肌呀！

【now.com】電競網紅Toyz早前被捲入販毒醜聞，二審維持原判被判4年2月。昨日(5日)Toyz就於星光電競大賞中被亞洲統神大罵的事件作出回應，他向觀眾道歉並表示亞洲統神沒有錯，宣佈會退出電競圈，並在鏡頭下砸毀參加英雄聯盟比賽所贏得的戒指。

【Viu】FTIsland鼓手崔敏煥昨日(4日)宣布自己與妻子，前LABOUM成員律喜離婚。即睇Viu《K1韓娛新聞 2023》！

【Viu】Jay Fung馮允謙、Jace陳凱詠以「Double J」限定組合，今日出席記招宣布於明年1月19日喺會展舉行唯一一場嘅《Klook Presents MOOV Live JAY 馮允謙 x JACE 陳凱詠》！

久未踏上舞台嘅Jace謙稱自己開騷經驗少，所以勁緊張，Jay Fung即開啟「暖男」mode安慰，又大讚對方好creative，Jace紅都面晒嗌怕醜！之後輪到Jace讚Jay Fung係才子，佢哋貼心畀定心理準備畀fans，預告到時開騷成程都會係互笠高帽！

講到全世界都敲碗話要睇Jay Fung跳舞，佢猛咁say no話好大壓力，趁機宣傳即將推出嘅新碟，仲叫「追風」背定歌詞到時大合唱！唔知佢哋會唔會為個騷整首合唱歌呢？另外，Jace為女團Lolly Talk嘅九展騷擔任嘉賓嘅感受又係咩呢？而佢最近終於同到林家謙合唱《隔離》，卻頻頻被mean謙「攻擊」，Jace搞笑「投訴」對方變晒，所以依家捨棄家謙要允謙！即刻睇足本訪問片啦！

【Viu】ASTRO文彬生前所屬公司打算展出他生前物品，惹粉絲不滿。即睇Viu《K1韓娛新聞 2023》！

【Viu】劉德華父親劉禮今日出殯 ，朝早9:55分有十多位誦經師傅到達香港殯儀館為劉父誦經。約中午12:12分，劉德華伴著先父遺照，神情哀傷，坐靈車離開殯儀館，直駛往柴灣歌連臣角火葬場。

到達火葬場後，身為兒子的劉德華，捧著父親遺照進入禮堂，神情肅穆，難掩悲傷心情。中午1:05分，劉德華完成先父劉禮火葬儀式離開，偕太太朱麗蒨及11歲女兒劉向蕙檻過火盆，臨上七人車前，華仔禮貌地向傳媒合十雙手。劉德華有六兄弟姊妹，在家中排行第四，有三位家姐和一妹一弟，華仔的胞弟亦有現身，而其中一名親姊則由親友陪同上旅遊巴士前赴纓紅宴。想知更多？請留意現場實況片！

【Viu】「Talk得之人」盧覓雪同「Ben Sir」歐陽偉豪喺港版《社內相親》中，飾演女主角Hollie父母，共同經營茶餐廳「相親相愛」，現實中一直以網友身份互動嘅佢哋，第一次合作就CP感十足，連最難忘嘅戲份都一樣，就係雪雪要對教主Anson Lo大打出手呀！

講到雪雪早喺《娛樂風雲》已經同MIRROR、ERROR合作過，原來佢同Jerdan、Fatboy私下仲係麻雀腳，大爆三子嘅「發財秘史」；亦大讚教主係一流演員。首次感受鏡粉威力嘅Ben Sir，自爆連揮手都要轉pose，又大讚呢班偶像所發放嘅正能量唔嘢少㗎！

雪雪同Ben Sir今次一拍即合，最希望長做長有，Ben Sir仲話想同雪雪「夫妻檔」拍床褥廣告；雪雪就話下次想挑戰演經理人一角，齋講已經有「上身」嘅感覺，期待呀喂！

【now.com】韓國女子天團BLACKPINK自上半年一直傳出有成員就續約問題猶豫不決，令不少粉絲擔心女團會否因此解散。但BLACKPINK所屬的經理人公司YG Entertainment今日 (6日) 就宣佈已經與BLACKPINK的成員簽訂團體專屬合約，相信各位粉絲未來也會看到偶像4人一同表演，可以放下心頭大石。

【Viu】麗英@小薯茄超額完成在旺角麥花臣舉行的處女演唱會，事後受訪仍難掩興奮！啱啱（4日）先過26歲生日嘅佢，笑話為咗搞個騷都未有慶祝，正日當日只係同歌詞靜靜咁渡過！

麗英坦言騷前係好大壓力，但keep住搏盡無悔心態，自評有8分高分，又指最感動嗰part就一定係多謝媽咪嗰段，並爆係因為見到媽咪喺台下攞紙巾喊先破功跟住淚崩，講講吓更突然眼濕濕，同時佢仲爆埋其中一位小薯茄喊到面容扭曲添！

而最令佢「拋鑊」自己嗰首歌就係《銀河修理員》，事關呢首歌嘅背後意義重大，今次唱可謂覆灼成功呀！另外，麗英亦被冠「追星天花板」之名，因為佢成功埋到日本hot爆組合YOASOBI身做訪問兼送禮，麗英有咩感受？完騷後嘅目標係咩？下年再開騷？即刻去足本訪問片！

【Viu】麗英@小薯茄今晚喺旺角麥花臣舉行處女演唱會《The First Impression》，「薯茄Family」高Ling、程人富、阿冰、童童、朱Mic、阿J、肥蚊等一早就坐定喺台下撐爆麗英，係愛呀！

一開騷，麗英喺觀眾席後方驚喜登場，孭住個大佢兩倍size嘅書包勁創眼，而當佢戴起個headphone嗰陣，不期然諗起《THE FIRST TAKE》個setting！麗英先嚟首《貝多芬與我》晒甜美靚聲，上台後除低外套兼拎起結他，自彈自唱《東京一轉》，更係「兩溝」唱盡廣東話、日文版，一次過滿足fans對耳仔！

呢晚麗英都揀咗唔少偶像嘅歌演唱，當中包括「小隊長」盧廣仲嘅《幾分之幾》，而呢首歌係麗英專登揀嚟送畀媽咪，感謝佢一路以嚟嘅支持，除咗身高冇自由度之外，全部嘅事都好free！麗英唱到中段就開始哽咽，又夾埋台下fans再送媽咪一個surprise添！個唱尾段邀請音樂人兼老友Daniel Chu出場，喺鋼琴伴奏下唱《惡作劇完成》！即刻去片聽麗英點唱爆麥花臣啦！

【Viu】劉德華父親劉禮於上月20日逝世，享耆壽97歲，今日在香港殯儀館設靈。下午五時許，不少華仔的圈中好友陸續到場致哀，當中包括葉德嫻、谷德昭、杜琪峯、楊受成、鄭則仕、黃文慧與黃樹棠兒子黃榮璋、導演邱禮濤、余錦遠和太太陳家碧、歐陽妙芝、劉雅麗等。

傍晚6時40分，五虎的黃日華、苗僑偉和太太戚美珍跟張兆輝一同現身，之後吳君如、呂良偉、任達華、導演莊文強等陸續前來，逗留至晚上8時，興葉德嫺等一同離開。另外，洪金寶、元彪太太彭秀霞、王馨平等則致送花牌。

未夠7點，約400名華仔天地會員已開始在對面公園排隊，8時由警員幫忙過馬路，到地面禮堂先行登記，9時進入靈堂致祭。

【Now.com】林俊傑（JJ）日前在個人社交平台發布限時動態怒批網民惡搞演唱會的舞蹈表演片段，行為極不尊重表演者，更表示：「下次請不要來我的演唱會」。其粉絲更因此到內地歌手胡夏、藝人曾黎的模仿影片下留言討伐，令兩人急忙刪除相關影片，事件再度引發網民討論。

【Viu】演員李東健首度談及在15年前離世的弟弟而引起了網民關注。即睇Viu《K1韓娛新聞 2023》！

【Viu】「宇宙天團」ERROR嘅最新團綜《究竟讀緊乜》噚晚首播，今日4子合體宣傳，大玩外語遊戲全軍覆沒，喪放笑彈是基本操作吧！連帶做訪問都全程大暴走，首集見阿Dee、肥仔畫觀音，原來阿Dee送咗幅「自畫像」畀FC會長，193語出驚人搭話：「坐佢個蓮？」呢吓真係無得頂！但193同保錡個金箍戒指就下落不明，唔知佢哋嘅造銀器最後下場係點呢？

最難忘環節，4子一致話係學外語，笑點一就係肥仔飲Vodka飲醉咗，學日文啲「動（作）漫（畫）」句子特別high；笑點二係保錡被爆學俄文嗰陣羞辱人哋學生！最後兩日拍攝，193因排舞台劇而早走咗，佢話慶幸唔使跟去農場掂屎，呢次中屎又係邊位？

有幸從後抱住女同學騎馬嘅阿Dee，憶述當時心情嘅驚驚，猛話捉唔實條又幼又短嘅⋯繩喎！至於喺「揸（加）你奶（Line）」環節，聽聞好似係肥仔收穫最大，唔知佢哋有冇繼續line落去呢？

另外，ERROR提到成軍5周年活動，阿Dee慘被團欺有咩感覺？193去日本有咩搞？Poki獲陳偉霆點燈超high！肥仔重提任黎明紅館騷舞蹈總監之一勁難忘！成段訪問接近成20分鐘，咁多位404慢慢J啦！

【Now.com】出道16年的南韓樂團FTIsland成員崔敏煥昨（4日）天與妻子律喜分別無預警地在社交平台上宣布結束5年婚姻，消息震驚一眾粉絲。二人的兒子及雙胞胎女兒將交由男方繼續撫養，而母親律喜亦在聲明中承諾未來仍會經常和孩子們見面，盡量避免造成孩子心理上的不安。

【now.com】日前於台灣舉辦的「2023星光電競大賞頒獎典禮」為星光電競大賞的第四屆頒獎典禮，邀請了不少電競界的網紅和知名人士參與。不過當要辦法「娛樂效果獎」的時候，得獎者「統神」張嘉航竟然對頒獎嘉賓Toyz出言不遜，更一度呼叫稱對方為「販毒狗」。