【Viu】MIRROR成員Edan將第一次擔任紅館騷嘉賓嘅機會獻畀「媽媽」GiGi梁詠琪，皮褸look嘅佢喺升上台嘅一刻，成個紅館充滿尖叫、歡呼聲！而今次仲係Edan首次現場演繹新歌《LOVERSE》，呢個「乖仔」認真唔話得！
唱完GiGi「突擊」Edan話身為「媽媽」就好緊張佢嘅人生大事，Edan聽見都當堂嚇一嚇，GiGi接話已經幫佢揀好，原來講緊係揀咗紅館作為佢開個人演唱會場地！Edan又講到初次見GiGi嘅感受，最後搞笑自爆專登着厚底鞋嚟迎合GiGi嘅高度，再拖手仔jam《高妹》，超高水準演出令全場拍爛手掌！
