【Viu】Edan@MIRROR今日孖Kaho洪嘉豪、Janice衛蘭、「小明」方皓玟等等出席西九音樂節活動記招，而姜濤、Ian同Anson Lo就拍片宣傳，其中姜濤係自叱咤後首「現身」，而Edan、Ian就同日開騷，不過未知會唔會有機會crossover。
提到Edan嘅巴黎工作Vlog廣收fans，佢竟然抵死笑話介紹咗brother「Edan Lui」畀法國人認識，並透露遲啲會再開新戲，但入圍金像獎「最佳新演員」呢個「光環」對佢嚟講有啲壓力！
憑電影《正義迴廊》主題曲《活誰的名》首入圍金像獎「最佳原創電影歌曲」嘅Kaho，興奮話好開心，又搞笑話要搵套西裝、練定行紅毯同表情管理！講到佢自肥出新歌《My Secret Park》，向女神Rosé示愛，仲話想得到女神回覆！Janice就話好榮幸參與到紀念「哥哥」張國榮嘅音樂會。另外，轉橙髮新look嘅小明聞傳被港台「封殺」喺「十大中文金曲」入面冇影，佢大方話係傳聞，最重要係做好自己本分，獎項只係錦上添花，對事件唔會太上心。
