【Viu】今日年三十虎年最後一日，Edan呂爵安26歲啦！壽星仔前晚飛巴黎出席fashion week活動，順便放大假去玩，請埋媽媽同細妹小如豬一齊去慶生兼過年。Edan去到當地就開始搞Gag，自封係「落機E」嘅佢第一日去到時尚之都就係咁Shopping，收穫勁豐富！壽星仔冇忘記班爵屎㗎喺凌晨12點開Live share行程，同埋多謝Fans嘅生日祝福。而呢個浪漫城市亦令佢靈感湧現，即興寫咗段「巴黎GangGang」，唔知幾時有得聽呢？而兄弟Stanley都有睇佢個Live，仲留言叫Edan買手錶，Edan就用咗句法文回應喇。
