【Viu】 Gi Gi梁詠琪嚟緊二月十七至十九號，就舉行一連三場紅館騷！呢排佢日日去排舞室報到，同一班Dancers又唱又跳狀態fit爆啊！Gi Gi仲劇透每晚演唱會都會有唔同嘅特別嘉賓，除咗有自己合作過嘅老友之外，仲有佢好欣賞嘅新人歌手添！ 講到今次嘅演唱會歌衫，Gi Gi都話特別邀請咗好幾位設計師幫佢準備戰衣，仲有一部分要專程喺外國訂造，為咗要對得住呢批靚衫Gi Gi都要加油keep fit，戒埋佢至愛嘅米飯，改食蒟蒻飯控制糖份。不過咁都未算最大犧牲，隨住演唱會進入倒數階段，Gi Gi最近都忍痛「離家出走」，搬去酒店暫住專心準備個唱，希望囡囡Sofie都可以明白媽咪嘅用心，幫Gi Gi一齊打氣啦！
