【Viu】由吳君如、鄭中基、梁詠琪、呂爵安（Edan）主演嘅電影《闔家辣》，未上畫噚日先公佈入圍紐約亞洲電影節，以及加拿大Fantasia Film Festival兩個電影節，犀利到爆！戲中三位新生代演員Edan、阿Dee何啟華同Locker林家熙，都同前輩有唔少對手戲，對住Ronald鄭中基同監製陳可辛嗰陣，都收起開玩笑一面，特別認真喎！雖然佢哋三個第一次合作拍戲，不過已經好有默啦噃！喺大排檔講心事嘅一場，佢哋舉杯聊天攬頭攬頸細訴將來發展大計，都交到戲㗎。講到今次聚首合作，三人隨即大騷舞技，仲freestyle一段《闔家辣驚驚》添！
