【Viu】一連三場《梁詠琪時間遇上我們》紅館騷噚日頭場，GiGi一出場就大晒經典歌《花火》，啲回憶即刻返晒嚟呀！之後就換上花花蛋糕裙、騷吸睛長腿跳唱《某年仲夏》，炒熱全場氣氛，難得見到GiGi跳舞真係好surprise呀！完騷後全場fans唔捨得走喪嗌encore，GiGi難抗fans熱情換上波鞋就即刻衝返上台追加《嫌棄》，超有愛！
另外，GiGi西班牙籍老公Sergio同囡囡Sofia梗係有嚟撐場，同場仲有契爺許冠傑同太太、蔡卓妍、許茹芸、關心妍夫婦、小美、楊愛瑾夫婦等。
現場實況：梁詠琪事隔5年再戰紅館舞台 大晒美腿跳唱 許冠傑罕有捧場
現場實況：梁詠琪事隔5年再戰紅館舞台 大晒美腿跳唱 許冠傑罕有捧場
