【Viu】噚日母親節，Edan孝敬母親同時，都不忘派福利俾爵屎們，新歌《Elevator》嘅dance version亦正式上架！話就話係dance version，但Edan同dancers邊跳邊互動，再加埋啲古靈精怪表情，有戲喺入面㗎！好似睇緊音樂劇咁啊！
而喺偉大嘅母親節，勁有孝心嘅鏡仔們當然唔會忘記母親大人啦！Edan喺IG share咗電影《闔家辣》嘅片段，佢對住「媽媽」GiGi梁詠琪瘋狂講：「I LOVE MOMMY」，曲線同媽媽示愛！姜濤就Post咗姜媽嘅相同片，最抵死嘅係居然tag「奶奶」，似乎對「奶奶」呢個稱呼好滿意噃！教主唔單止送蛋糕比教母，仲攬住教母啜咗佢一大啖添，咁sweet得唔得㗎？Jer就post咗媽媽拎住扎花嘅相，柳媽笑得勁開心！而AK就上載咗愛貓花花嘅相，祝大家母親節快樂之餘，亦祝「老佛爺」19歲生日；Jeremy就用自己嘅笑容祝天下媽媽，母親節快樂！
