【Viu】Stephy鄧麗欣、謝君豪、Jennifer余香凝、BabyJohn蔡瀚億、凌文龍同張建聲噚晚出席《殘影空間》首映禮，Stephy唔敢奢望票房媲美《飯戲攻心》；君豪哥就唔敢學阿Dee除褲找數，但笑言會除外套派福利！講到金像獎公佈提名名單，Stephy戥《飯》片囊括11項提名開心，就算自己冇份都冇失望，又以「家瑜教練」身份，祝賀「力圖」隊員Edan同Jer入圍「最佳新演員」；君豪哥都讚《過時．過節》嘅阿仔Edan光宗耀祖咁話！而入圍「最佳女配角」嘅Jennifer，開心到攬住阿囡錫，仲預告會拖老公行紅地氈添！
此外，BabyJohn喺《大誠實家》嘅演技獲讚，仲憑《空肚講宵夜》奪得民選「最佳主持」，令佢喜出望外。凌文龍亦恭喜「媽咪」毛舜筠再度角逐影后，又笑言自己年年都想提名，希望多啲戲拍啦！
