【Viu】Dee哥何啟華、Alton王智德、BabyJohn蔡瀚億、Ash同李敏等今日齊齊宣傳賀歲劇《大誠實家》，Alton同Dee哥大爆劇情夠痴線，最爆係有老人院版《監獄風雲》，Alton仲會同李敏有床上戲添呀！
至於Dee哥最近操肌備戰新Job，所以同肥仔、193兩個「賤人」遊日本時要忍口，仲會搵好兄弟王勁幫手操Fit，好期待呀！講到姜濤榮升業主，Alton就話唔敢打擾；Dee哥就想去參觀豪宅喇！
此外，BabyJohn自認係「賀歲之子」，賀歲片同劇都拍過，所以對收視冇壓力，仲準備咗簽名海報派畀相熟街巿檔主同小店。Asha就獻出螢幕初吻，緊張到要打畀阿媽呀！
