【Viu】啱啱喺大馬返港嘅阿Dee歸隊宣傳主演賀歲片《毒舌大狀》，今朝一大早同謝君豪、Renci楊偲泳、王丹妮、栢天男以及導演吳煒倫等現身戲院，先同觀眾睇電影主題曲《毒舌神曲》MV首播，之後再齊齊登上開蓬觀光巴士行大運，期間個個都出盡奶力呼籲途人入場支持！
事後阿Dee笑話揸咪周街亂叫感覺好正，沿途見到「羊群」熱情追車應援好感動，又指電影公司喺年廿九派真·利是好黐線，最大封係港幣500元：「睇戲都可以致富！」佢預告今年都會派百幾、二百封開工利是，面值「紅色」，黑然係屬脫貧族！至於幾時結婚堅派利是？佢就笑笑口話事業行先，今年農曆新年謝票會帶大袋逗利是！
阿Dee承諾票房過8000萬就會除褲派福利，仲直言會悉心準備，將ERROR 3位隊友個樣黐落底褲畀人打卡，好兄弟有你有我呀！至於講到子華神開金口合唱電影主題曲《毒舌神曲》，阿Dee話發夢都估唔到！而Renci就話下次再做子華神老婆、阿Dee嘅媽媽，阿Dee即場嗌「媽咪」試水溫，勁搞笑！
