【Viu】《第十六屆亞洲電影大獎》將於3月 12 日(星期日) 在香港故宮文化博物館舉行，被稱為「宅男女神」的周秀娜、「文青女神」Angela袁澧林、「大馬女神」兼擔任本屆青年大使的林明禎、凌文龍及導演張婉婷齊齊出席記者會，並宣布入圍名單。
近年在香港發展的明禎，在會上以廣東話公布入圍名單，睇嚟佢用唔少時間苦練廣東話，完全唔使要字幕都明白。明禎承認為此苦練廣東話，希望大家聽得明佢所講嘅入圍名單，佢話：「我用rap嘅方式去練廣東話，《第十六屆亞洲電影大獎》呢句好難，我練咗兩日呀！」講到今次跟兩大女神娜姐、Angela同場，明禎大讚好欣賞「文青女神」，本身社交網都有follow袁澧林。
對於跟三大女神袁澧林、周秀娜同林明禎同場出席活動，凌文龍笑言個個都係高妹，早知自己踩高橋到場。袁澧林笑言自己follow林明禎的社交網為先，又指娜姐加入同一公司時，望見對方表現到心心眼。
