【Viu】Gin Lee李幸倪順利完成一連兩場紅館騷，開心話鬆一口氣，公開爭取世界巡迴，必返家鄉馬來西亞！講到佢喺尾段自爆籌備個唱辛酸事，Gin指練舞時少不免受傷，特別係要扭啲sexy動作！直頭嚴重到有一晚隻手痛到冚唔到被，原來有媽媽手，咁最後邊個幫佢冚被？敷高麗菜真係可以消炎？
今次每套歌衫都超sexy，Gin興奮問大家收唔收貨，最驚大家覺得唔夠poster咁sexy嗌回水呀！數到當中最最最難handle嘅，Gin就話係開場嗰套金色戰衣，個V係Deep到落肚臍㗎！佢揚言去游水都冇咁少布，咁係咪算第一次喺父母面前咁性感？不過有苦自己知，Gin話keep fit過程都好焦慮，究竟發生咩事？
至於兩晚都搵學員做嘉賓，分別係《造星VI》B3組同Gigi炎明熹，Gin話最後決定加嘉賓環節係想同好朋友開心開party！佢話知道Teller、TUZER0喺《Goodnight》入面加咗啲小巧思，rap咗佢啲歌名出嚟，唔知呢個version有冇機會錄音推出？Gin又覺得Gigi淡定咗好多，亦以為對方嘅耳機出問題，一落台就搵工作人員處理，真係好有愛呀！
另外，Gin有為尾場唱《月球下的人》取消空中韆鞦item作回應，仲揭曉喺唱完《開燈熄燈》後嘅聲音係咪屬於離世愛貓芝麻糊！想知就要睇足本訪問啦！
