【Viu】距離「阿金」Gin Lee開第二次紅館騷《READY FOR》，仲有一個月嘅時間！唔知出名自我要求高嘅Gin，堅係ready好未呢？呢次Gin除咗要ready把靚聲，仲要ready埋副fit爆body，鬼叫佢影poster咁sexy咩！開咗個頭就要埋好個尾㗎啦，連佢自己都笑話驚到時唔夠sexy會被嗌「回水」，SLDPK！唔知Gin有冇set底線？有冇向大隻Kenny偷師？
《白夜行》喺最近嘅叱咤、新城頒獎禮都獲歌曲獎，未知Gin有冇再一次膽粗粗搵幫佢作曲嘅大師兄霆鋒做嘉賓？佢又大爆同大師兄錄音嗰時嘅趣事，霆鋒喺錄音室會唔會好嚴？合作後有顛覆對對方嘅印象？
呢排見Gin成個人都跳脫咗、又幽默咗，佢話要歸功《造星VI》，將佢啲傻氣、可愛發掘晒出嚟，可以平反畀人覺得係「悶蛋」嘅標籤！你哋又有冇被呢個全新嘅Gin吸引？另外，搵得Gin上嚟唔淨止follow up佢準備成點嘅，話晒吊頸都要唞吓氣㗎嘛，ready咗個小遊戲畀Gin break一break，放鬆一吓之餘，亦係佢爭取宣傳個唱機會，答啱一題就會有10秒嘅宣傳時間，唔知自認冰雪聰明嘅Gin又答啱幾多題啦！想知就即刻去片！
