【Viu】Gin Lee李幸倪兩場紅館個唱，繼頭場搵嚟學員《造星VI》B3組做嘉賓之後，尾場邀請另一位學員Gigi炎明熹做嘉賓，呢位Miss Gin認真唔話得呀！Miss Gin同Gigi呢晚無論係靚聲、outfit都襯到絕一絕，Miss Gin仲話覺得自己同Gigi有好多相似嘅地方，二人私下係雙方嘅「樹窿」，開心Gigi開始一個新嘅階段！
身經百戰，參加開比賽嘅佢哋，竟然不約而同話唔鍾意比賽？點解嘅？之後呢兩師徒合唱金曲《一加一》，未知Gigi嘅耳機係咪出咗問題，邊唱邊搞耳機，細心嘅Gin臨落台前都有關心Gigi，呢個舉動堅係超貼心呀！而Gigi就留喺台上面solo獻唱《風旅》！
嚟到最後一part，Gin繼續撻着個勁歌熱舞mode，晒纖腰跳唱《Dum Dum》掀高潮！之後就係Gin嘅答謝部分，分享喺呢半年籌備個唱嘅辛酸！話晒係尾場，又點會咁快完騷呀？Gin接住唱《一早知道的情歌》同埋新加嘅《虛榮》，全場幸運兒大合唱超high！
