【Viu】《全民造星VI》11強記者會今日喺將軍澳舉行，19號Dave、43號Ian Hannz、52號DaiMa同92號Bosco Kwan被網友視為大熱，現場亦有大批Fans支持，聲勢浩大！四位大熱齊齊以四字詞語形容準備總決賽表演嘅情況，年紀最細嘅Bosco以「聖誕快樂」嚟形容忙碌程度，認真搞笑！至於Dave就親解Fans點解叫「夫人」，原來唔止Dave中文諧音係「大夫」，仲有「丈夫」嘅意思；Ian Hannz就話Fans們叫「哈士奇」，但被DaiMa取笑每句解釋都係讚自己。
對於被視為大熱，四位都係既有壓力亦係動力，DaiMa仲搞Gag話今次每位參賽者都「保密」表演環節，唔似以往咁周圍揚。Ian Hannz表示整個比賽嘅表演都冇問過哥哥ANSONBEAN意見，又笑言如果有取經，之前表演就唔會跌咪啦，但都希望以最佳演出報答一直支持自己嘅人！
此外，導師Gin Lee、徐浩同主持強尼都大讚今屆參賽者水平高，連意見都唔使問，Message都唔覆，到底邊個咁大膽呢？想知就睇足本訪問啦！
