【Viu】Stephy鄧麗欣驚喜現身《2025年度叱咤樂壇流行榜頒獎典禮》攞「我最喜愛的女歌手」，佢去到後台即開心同「細佬」Jeffrey、《戲一場》嘅作曲林家謙re-u！原來女神係被兩位男士「點燈」叫一齊做訪問，背後隱藏咩原因？學家謙話齋係顏值擔當組合？
Stephy講到事隔23年再上叱咤台，自tag歌《戲一場》令家謙非常滿意！佢特別感謝fans投票推佢上台，唔知女神會唔會搞個落街感謝活動？甚至係同fans搞個慶功宴？Stephy笑話上台嗰刻係不停催眠自己唔好喊，想學細佬型住攞獎，點知就畀咗個位Jeffrey中二病發作！
家謙表示喺2026年想唞唞，到底發生咩事？呢個break又會係幾耐？會唔會趁機同CLS交流音樂心得？至於Jeffrey參加完台灣嘅倒數騷就即飛返港，喺倒數騷嘅金粉look造型被網民誤以為係頭皮，搞到佢哭笑不得！攞獎再次多謝經理人女友好事近？
Gin Lee冧莊再拎女金既開心又感動，講到佢暫時已經攞咗兩個頒獎禮嘅女金，有冇信心再一年衝大滿貫？會唔會請為《白夜行》作曲嘅師兄謝霆鋒食飯慶功？提到佢近日推新歌《ICONIC》MV，好壞comment參半，Gin又點睇？要幫造型師平反？
終獲男金嘅Jay Fung指有好大滿足感，驚爆曾有一段時期係想放棄疊埋心水唔做歌手！西九騷舉行在即，佢笑話已準備好Jay星文，聽日亦會繼續閉關準備！Jason陳柏宇擸走男銅加歌曲獎勁開心，搞笑話辛苦達標為咗入慶功食叉燒！不過佢就老貓燒鬚啦，唯一一年準備咗感謝辭但唔記得拎出嚟，最重要係唔記得宣布7月紅館見呢個好消息！會唔會好揼心？想知詳情就要睇足本訪問啦！
