【Viu】Gin Lee、泳兒、曾傲棐、Dear Jane、Kiri T、釗峰等今日出席《新城勁爆頒獎禮 2025》HelloWin Party，對於有指新城同華納破冰，Dear Jane直言好幾年冇出席新城活動，大讚氣氛熱鬧，仲笑言如果真係有冰，破咗都係好事，但未知頒獎禮當日係咪公司總動員出席喇！講到有指新城高層馬浚偉主動同各大唱片公司搞好關係，Tim就笑言有睇馬生嘅劇集，但私下唔算認識；Kiri就話細細個睇馬仔嘅《帝女花》，如果有機會見面都想打個招呼呀！
至於Gin Lee就預告會喺《全民造星VI》會慢慢「黑化」，大家之後就會見到佢發火嘅一面。講到同泳兒「打對台」做選秀節目導師，兩位就話冇衝突，仲有交流意見添！講到英皇新人黃峻熙因為被起訴而被公司解約，曾傲棐就話同對方唔熟，睇新聞先知，但認同做藝人要凡事以身作則！
此外，釗峰首度回應桃色糾紛，雖然避談誰是誰非，但佢坦言受事件影響心情，因而去咗禪修10日。想了解更多就睇足本訪問啦！
