【Viu】香港樂壇今年首張成績表《新城勁爆頒獎禮2025》頒發，林家謙獨擸3獎「勁爆年度歌手」、「勁爆歌曲」、「勁爆唱作人(金)」，同MC張天賦及李幸倪睇齊做獎王！佢連番表示好開心，又搞笑話拎咗2.5獎嘅Jeffrey，經四捨五入都係大贏家，數口好精喎！家謙仲話攞最後一個大獎「勁爆年度歌手」係最緊張，因為要喺一眾勁人面前唱歌，有邊位「勁人」令佢咁淆？
煨Sir話最suprise係同洪嘉豪憑《我感覺到》攞到「勁爆合唱歌曲」金獎，因為成日都好期待同豪記再表演呢首歌，下次合唱會係幾時？家謙即自薦話幫手宣傳，乘機追Jeffrey餐《老積》嘅慰勞飯，追唔追得成？
講到家謙早前先post咗新歌《冬季限定》嘅歌詞出嚟，一班CLS好快就幫手「作曲」，家謙大讚超高質，所以揀咗兩位CLS嘅作品嚟cover！而Jeffrey就忙於宣傳主演電影《殺手#4》，為咗谷票房佢可以去到幾盡？
家謙日前為姜濤擔任亞博騷嘉賓，促成第2次合唱《有一種傳說》，首歌幾時會推出？至於講到佢為姜濤送上一下嘅人手按摩，點解會諗到呢條橋？本身怕kam親姜濤？
「獎后」眾望所歸係Gin Lee，三度攞女歌手獎嘅佢開心表示係係豐收嘅一年，打強心針之後頒獎禮再攞女歌手獎？攞咗組合銀嘅師妹VIVA齊齊話以師姐做目標，希望明年密密出歌，仲係首首以跳唱為主！
