【Viu】Sammi鄭秀文喺新戲《流水落花》挑戰做寄養家庭母親，佢所飾演嘅天美姨，唔單止經歷過喪子之痛，仲發現老公出軌，雖然喺現實中Sammi都曾經遇上相似經歷，但睇到劇本時，佢一啲都唔介意，反而純粹以角色出發，將自己代入天美姨嘅人生！而講到夫妻關係，Sammi就覺得強弱唔可以太懸殊，要搵到一個平衡點，大家互相遷就，咁樣段關係先可以維持得長久，而Sammi亦表示其實私下嘅佢，冇平時工作咁強硬，都有小鳥依人嘅一面㗎！
而今次同到天后Sammi，談善言都覺得獲益良多，佢話Sammi喺圍讀時已經做好筆記，準備充足！阿談更自爆當時見到Sammi步姿，仲以為對方原來私下比較粗豪，但後來先發現其實係天美姨嘅步姿！認真搞笑！
