【Viu】GiGi梁詠琪過往多個演唱會都會有好友Sammi鄭秀文做嘉賓力撐，今次嘅紅館騷亦不例外，有型Sammi尾場壓軸現身，笑話特登揀條靚裙嚟個「黑白雙煞」同時又賀GiGi全方位力求蛻變，講講吓仲互讚起上嚟！
兩位天后聚首，除咗帶嚟《蕩失》之外，仲合唱埋《我們都是這樣長大的》，期間Sammi化身考官遞咪畀fans接住唱，又點會考起fans呀？佢又乘機宣傳7月開演唱會，GiGi揚言要包場，認真豪氣！
GiGi西班牙籍老公Sergio同囡囡Sofia三場都準時打卡，尾場座上嘉賓亦勁多對糖黐豆，包括王大陸同女友蔡卓宜、湯怡同老公麥秋成、泳兒同髮型師男友Ziv，另外仲有周秀娜、鄭融、何嘉莉等。
