【Viu】Sammi鄭秀文、Alan陸駿光、談善言孖導演賈勝楓現身電影《流水落花》慈善首映，更係首次同戲中7位大、小演員同場添！阿談就點名大讚Sammi同Alan場鬧交最精彩，Alan笑話用energy keep住鬧咗6 take都好攰。
全程口罩不離面嘅Sammi自爆食硬嘢嗰陣咬崩咗隻牙，不停笑嘲自己好醜怪，仲形容「遺骸」碎得好徹底，影響心理質素兼外觀，慘被全家連愛貓嘲笑！至於「兇手」係邊個？Sammi死守唔講，又話最快都要後日先睇到牙醫，但區區崩咗隻牙係阻礙唔到佢食嘢嘅決心，只係唔敢再食同樣嘅食物：「好番咪再食！」認真大膽！
另外，阿談早前拍劇集《打天下2》嗰陣左膝韌帶斷裂要做手術，呢日佢都有報平安，會繼續做物理治療，劇本方面影響不大，但就錯過去日本取景拍攝，呢樣先係最揼心！
