【Viu】Sammi鄭秀文、陸駿光及導演賈勝楓噚晚出席電影《流水落花》謝票活動,早排「第41屆香港電影金像獎」公布入圍名單,Sammi憑該片再次有份角逐「影后」殊榮,今次係佢第七次角逐呢個獎項,雖然佢話會以平常心看待,但講到好朋友劉德華明言會對佢偏心,Sammi坦言多謝華仔多年支持,華仔唔止多年嚟嘅朋友,仲係佢一個伯樂。提到華仔自爆好想演出呢部戲中由陸駿光演出嘅角色,Sammi即話華仔太有「星味」,不過最後係由導演選角嘅。
雖則情人節來臨,但佢跟老公許志安唔會特別慶祝。另外,與許志安爆出「安心事件」嘅黃心穎,公布勇闖樂壇做跳唱歌手。作為樂壇前輩嘅Sammi,就話覺得每個人要有新開始同機會。
Sammi大方撐黃心穎有新開始 第10次提名影后 感激劉德華力撐