【Viu】日前Sammi鄭秀文憑電影《流水落花》事隔22年再獲香港電影評論學會封影后，而《流》更成為係「推薦電影」之一，雙喜臨門有好好嘅成績！
噚晚Sammi、Alan陸駿光同導演賈勝楓現身戲院謝票，Sammi笑話知道攞獎嗰刻好似發緊夢咁，感謝大會肯定佢嘅演技：「進步終於被發現。」並指比起上次封后感受截然不同，嚟得更珍惜、滿足，但同時又謙稱唔敢諗衝擊金像獎影后寶座：「心裏面紮咗根，陪跑好應份！」拍檔Alan讚Sammi喺戲中投入百分百感情，就連行步路都有戲，好戥對方攞獎開心，自己拍完都好唔捨得。
另外，提到Sammi零片酬接拍《流》，佢指酬勞係次要，有機會為香港電影做番少少嘢個意義好大，又開心同新晉導演賈勝楓合作擦出火花，所以佢話嚟緊有機會、有需要都會繼續瞓身奉獻，香港電影有Sammi真係好！
