【Viu】「宇宙天團」ERROR、談善言、Will柯煒林、「Dee姐」陳海寧、「Mike導」劉諾衡等今日出席《ViuTV 2023》節目發佈會，ERROR即席宣佈九展騷加開一場，仲自爆遇到各式各樣嘅搲飛方法添呀！
ERROR又暗示伊健有機會做嘉賓，而保錡因為要講波冇份睇，真係好揼心呀，但佢都有高呼：「我愛ViuTV！」又自封係「MakerVille愛人」，笑爆嘴呀！
此外，早前拍《打天下2》受傷嘅阿談，12月8號就進行十字韌帶手術，老友Will驚阿談日日困喺屋企會抑鬱，所以接佢出街，仲孭埋阿談上樓梯去私竇添呀！喂呀！咁sweet得唔得㗎！
