【Viu】舒文喺那些年已經將外國音樂元素融入廣東歌,亦慶幸遇上伯樂黃尚偉同谷中仁等,帶領佢走上幕後之路。舒文認為歌曲大晒,之後先到歌手,監製更加係輔助性質,為咗尊重歌曲本身,一直堅持「三不錄」!除咗錄到瞓著,舒文仲分享同歌手們又喊又笑嘅經歷。入行近廿年,佢做過嘅新人,好多都變咗巨星,但佢謙稱唔係點金聖手,只會感激我遇見。佢又認為監製嘅職責係要幫歌手們,搵到射波嘅最佳位置!雖然獲獎無數,舒文從來唔擺前輩款,亦唔鍾意被稱為舒老闆或舒老師,更加喜見 MIRROR、ERROR同MC等新力軍,令大家回流聽廣東歌。勇於嘗試嘅舒文,早排仲幫彭秀慧導演客串《阿媽有咗第二個》嘅監製一角,令觀眾印象深刻。
全賴有你:尊重歌曲大晒 堅持「三不錄」 舒文:Pop Music可以刀仔鋸大樹!