【Viu】Ashley林愷鈴喺ViuTV原創劇《繩角》入面，飾演一個洗衣店老闆姜秀賢，同AK飾演嘅歐陽駿有感情線。今次係Ashley第一部出街嘅劇集，佢都做咗好多功課揣摩角色，努力了解秀賢嘅有咩目標同夢想。觀眾都可能會留意到，歐陽駿每次去洗衣店見秀賢嘅時間都落雨，其實呢個場景就係劇集嘅巧思，為兩位主角營造咗浪漫嘅氣氛。一開始知道同MIRROR成員對戲，Ashley都有啲緊張，不過遇到咁多位好對手，佢有咩擔心都飛走曬！AK笑佢係「林三歲」經常跌倒受傷，Ashley就話AK其實經常出手幫忙，令佢覺得勁Warm。喺戲裡同AK談情，戲外又有江老闆悉心照顧，Ashley驚唔驚生粉呷醋呀？
