【Viu】今日係Jer柳應廷嘅30歲生日，喺三十而立嘅大日子佢宣布做老闆，成立自家品牌。MIRROR兄弟們都有送上祝福㗎，Edan竟然連續出咗兩張Jer嘅黑圖，Jeremy就share咗一段阿Jer狂食紫菜嘅片，真係有心喇！阿Jer有份演出嘅《阿媽有咗第二個》上映三個幾月，至今票房衝破4千萬大關，佢噚日首度參與謝票活動，孖住導演彭秀慧連跑15場，仲分享拍攝時嘅難忘事，大爆試鏡嗰陣姜濤打交打到喊。一班柳柳粉今年為咗柳誕喺中環搞咗個慈善Pop-up活動，所得善款將捐俾世界各地嘅海洋保育組織，為保護地球出一分力，最驚喜嘅原來係阿Jer今日都有親臨打卡，仲特別送出柳仔即影即有相添！
