【Viu】羅浩銘(Ken)為ViuTV新劇《繩角》擔心動作設計，講起同4位MIRROR成員第一次見面嗰陣，佢都有少少唔好意思，事關佢為咗可以快啲安排操練，一嚟就叫人哋除衫俾佢睇下副body啊！Ken仲大讚鏡仔非常勤力，就算做完嘢幾攰都會嚟練拳，仲要一練練足4、5個鐘，而且無論任何情況，永遠都係Say Yes，絕對唔會Say No，呢份毅力令到阿Ken都非常佩服。阿Ken爆AK拍攝時最擔心自己嘅身形，roll機前不斷做掌上壓， 而Lokman就有場難度極高嘅影子戲，佢要瞇埋模仿返投射戲所投影出嚟嘅拳手，將動作絲毫不差咁複製，呢場戲阿Ken都話拍得好辛苦，但見到效果出嚟咁好咩都值返晒！Alton亦令阿Ken喜出望外，上手快之餘，同Thor駱振偉副偈仲好好添，阿Ken仲爆料話Tiger喺劇中嘅一場打戲係臨時加嘅，所以本身都有啲擔心，點知佢記招記得好快啊！另外阿Ken亦分享為劇集擔任動作設計嘅難處添。
