【Viu】ANSONBEAN、Winka今日現身商場宣傳電影《明日戰記》嘅合唱主題曲《明日之明日》，吸引豆粉、泳瓜企滿商場4層樓，兩位主角一出場即獲高頻尖叫聲歡迎！除咗首次獻唱主題曲之外，仲同fans大玩遊戲！
Winka笑話當初知道有得唱主題曲嗰陣，以為係又中惡搞節目圈套，直至收到Demo嗰陣先知係真，又指合唱歌對佢嚟講係新曲風，錄音嗰陣都有啲難度。問到會唔會想參演埋一份？Winka自薦做女殺手角色，事關平時笑得太多想嚟個反差萌！
至於ANSONBEAN就話想做奸角，搏打得勁啲、去盡啲！講到第一次同Winka jam歌，佢話終於有互動嘅感覺，力量仲強啲添！日前ANSONBEAN話想包場請朋友、屋企人睇戲，呢日佢「加碼」，希望包多場同fans gathering！而最近佢就忙緊準備下月頭嘅生力軍音樂會，預告會有crossover環節，唔知到時會有咩驚喜呢？
