【Viu】ANSONBEAN同吳家忻早前為主演嘅Viu Original原創劇《Diane Be True呈獻：她和她的戀愛小動作》試造型，家忻夾夾埋埋都試咗十幾廿個look㗎！認真犀利！新劇故事係結合十個戀愛中常見嘅小動作串連而成，其中都有透過飲食習慣，去剖析情侶之間嘅默契同關係，家忻就話佢最怕人食芫荽，仲係反芫荽關注組成員咁話喎！ANSONBEAN就唔係特別鍾意，不過都會主動嘗試，點知就中招嘞，之前飲過一杯芫荽飲品好難飲啊！而講到落雨冇帶遮嘅狼狽事，Kayan好肯定咁話唔會發生喺自己身上，事關落大雨，佢一定會搭的士，ANSONBEAN就表示佢唔鍾意帶遮，早排佢就淋住雨買筆記簿，仲覺得冇咩大不了添，不過事後佢補咗一句，嗰日好似係紅雨，咁都冇咩大不了？真係笑死啊！
