【Viu】MakerVille原創劇《殺手廢J》今日開鏡拜神，首任男主角嘅陳湛文坦言壓力大，面對女神袁澧林讚佢正過《I SWIM》嘅Jeffrey同Edan時，仲即席派檸檬，話自己有家室，笑言要屈就Angela同自己組成「岩巉二人組」。ANSONBEAN要演學戀殺手，要同陳湛文爭Dee姐陳海寧，首次拍動作同開槍戲勁開心，仲自爆收工都keep住chok樣，連朋友都話想打佢。Dee姐就明言喺現實中對小鮮肉冇興趣，加上不嬲唔鍾意大隻仔，派咗大大個檸檬畀豆豆呀！
此外，對於Angela自認係「Mike粉」，又話同阿暉試戲時，覺得阿暉有演戲天份，Mike導就話女神好含蓄冇示愛；阿暉就預告會客串演出喇！
