【Viu】千呼萬喚嘅《明日戰記》噚晚舉行首映，有份唱主題曲嘅ANSONBEAN同Winka@COLLAR都有出席，九師傅Winka仲向「泳瓜」送飛吻添！
ANSONBEAN透露同Winka分開錄音，今日先第一次見面，仲話想同古仔合唱兼拍動作片，過吓超級英雄癮咁話！Hillary就繼續放閃，預告會再同男友洪卓立情侶檔吸金，而且下個廣告更加Sweet，自己亦唔抗拒拍婚紗廣告，咦，莫非家姐恨嫁？
此外，小薯茄成員程人富、童童、阿J除咗想同古仔拍電影，仲想請佢上「雪櫃冷笑話」，阿J仲自爆有份做《明》片場記，同張家輝嘅「替手」添，好威呀！
