【Viu】ANSONBEAN呢排忙住拍Viu Original原創劇《Diane Be True呈獻：她和她的戀愛小動作》，噚日一收工就急急腳趕返屋企，一邊食住飯盒一邊開Live，仲向豆粉透露嚟緊29號佢就正式煞科喇！緊接落嚟就會籌備新歌，希望8月中可以出街啦！不過BEAN BEAN呢排咁忙，好似成個人都瘦咗，加上又自己搬出去住，豆粉都好關心佢嘅獨居生活，佢就話都幾習慣，而且一個人住仲可以唔著衫周屋走，真係引人遐想啊！一向寵粉嘅BEAN BEAN仲應豆粉要求朗誦唐詩，雖然錯漏百錯，不過rap住讀唐詩又幾盞鬼喎！
