【A&M Diary】估唔到倫敦竟然都有港式快餐店！呢間Duck Duck Goose Express以少見嘅港式快餐店形式營運，睇完menu之後去cashier落order再攞餐，加上餐廳嘅香港電車相片，真係好似去咗食得夠尖嘅大快活呀！港式快餐店雖然無一哥焗豬扒飯，但都有阿活咖喱同燒臘飯。
倫敦港式快餐店：雙燒飯
雙燒飯即係燒味雙拼飯，我就揀咗叉燒同燒鴨。叉燒雖然唔係半肥瘦，更加無燶邊，但蜜汁濃郁，肉質軟腍，非常好味。至於燒鴨份量雖然少咗啲，但好彩係鴨胸，皮脆多肉，都算唔錯。
