【A&M Diary】喺銅鑼灣嘅繁華鬧市之中，有時候真係想喺食飯時間嘅短短一小時，可以搵個地方遠離繁囂，用美食去安撫努力工作嘅自己。所以我A姐揀咗直上26樓嘅駱克駅升降機，嚟到Casa Di Luna，做個飛上太空做個月球下的人。
沙律、蕃茄濃湯
前菜嘅意義就係在於帶到開胃同刺激食慾嘅作用，所以西餐嘅前菜一定離不開沙律同湯。沙律入面有西柚同車厘茄，西柚同車厘茄有豐富嘅維他命同抗氧化，健康醒胃之餘仲啱晒貪靚嘅妳；至於蕃茄濃湯，佢甜而不膩，唔會飲完就飽咗食唔到主菜。
香草醬忌廉汁蜆肉意大利粉
香草醬忌廉汁蜆肉意大利粉有飽滿嘅蜆肉，每條意粉都被濃濃嘅醬汁包住，完全唔會有唔平均嘅感覺，食到最後一啖意粉都依然仲有蜆肉，勁滿足！
煎三文魚拼西班牙紅花忌廉汁
如果唔想食咁多澱粉質嘅朋友可以試吓選擇煎三文魚拼西班牙紅花忌廉汁。切開三文魚即刻聞到香濃嘅三文魚油，外脆內滑，伴菜係滑溜嘅薯蓉同脆肉瓜，可以中和返魚油嘅油膩感。
