0
0
〈好食〉旺角無限時火鍋放題馬拉松 馬祖無限時台灣養生涮涮鍋

〈好食〉旺角無限時火鍋放題馬拉松 馬祖無限時台灣養生涮涮鍋

〈好食〉旺角無限時火鍋放題馬拉松 馬祖無限時台灣養生涮涮鍋

【A&M Diary】每次同朋友打邊爐,最怕就係有個店員行埋嚟同你講:仲有半個鐘!但我哋明明好似啱啱先開始食,真係食得唔夠過癮呀!如果你同我都有同樣嘅問題,可以考慮無限時嘅火鍋選擇。近期我哋就嚟到位於旺角嘅馬祖無限時台灣養生涮涮鍋,啱晒同樣鍾意慢慢食慢慢傾嘅你!

無限時任食台式火鍋店
馬祖無限時台灣養生涮涮鍋嘅最大賣點就係無限時任食放題,加上餐廳坐得夠舒服,真係啱晒同朋友聚舊或食得慢嘅你,食足9小時都毫無問題!

養生湯底
講起台灣嘅火鍋店,主打嘅當然係養生藥膳湯底,喺馬祖無限時台灣養生涮涮鍋嘅湯底選擇就有接近20款,其中養生藥膳選擇就有:藥膳蟲草花桃膠養生鍋、藥膳養生醉雞鍋等等!至於我哋就揀咗麻辣鴨血蜂巢豆腐鍋拼台灣沙茶雞涮涮鍋,兩個湯底都非常濃郁,完全唔使落豉油或其他調味料,食材都索晒湯汁,非常惹味。

配料
喺馬祖無限時台灣養生涮涮鍋主要以肉類分為4款套餐,今日我哋就揀咗最高級別嘅套餐,可以無限時任食極級SRF極黑和牛肩脊肉等6款肉類選擇。但就算揀價錢相對平嘅套餐,都可以食到Prime Grade美國安格斯牛肉,質素一啲都唔差!

極級SRF極黑和牛肩脊肉
請放心!馬祖無限時台灣養生涮涮鍋嘅極級SRF極黑和牛肩脊肉相當有質素,而且每一碟嘅色澤都差唔多,絕對唔會第一碟係最靚,之後上枱嘅質素就變差。呢碟極級SRF極黑和牛肩脊肉嘅油脂比例平均,接近入口即溶,非常好味!

極級Prime Grade安格斯牛頸脊
呢款牛肉嘅肉味相對濃郁,脂肪比例唔重,邪惡度雖然大減,但肉質豐盈,絕對唔會食到溜。

西班牙無激素豬肉片
除咗牛肉之外,呢度嘅豬肉無激素,食得放心又健康。豬肉片色澤粉嫩,肉味濃郁,雖然脂肪比例唔多,但肉質一啲都唔嚡口,非常嫩滑。

海鮮拼盤
呢度嘅海鮮除咗與之外,拼盤就有海蝦、沙白同蟶子。海蝦大大隻,新鮮彈牙;沙白同蟶子完全無沙,非常鮮甜。

  1. 更多
  1. 【8月8日疫情速報】(09:30)
    【8月8日疫情速報】(09:30)
    24分鐘前
  2. 三亞新增413宗本土感染個案 當局開通24小時熱線協助滯留遊客
    三亞新增413宗本土感染個案 當局開通24小時熱線協助滯留遊客
    39分鐘前
  3. 美國參議院通過總值4300億美元減低通脹法案
    美國參議院通過總值4300億美元減低通脹法案
    45分鐘前
  4. 以色列與巴勒斯坦聖戰組織達成停火協議
    以色列與巴勒斯坦聖戰組織達成停火協議
    47分鐘前
  5. 伊朗稱核談判能否取得成功視乎美國是否展現彈性
    伊朗稱核談判能否取得成功視乎美國是否展現彈性
    1小時前
  6. 烏克蘭稱扎波羅熱核電廠三個輻射感應器受損
    烏克蘭稱扎波羅熱核電廠三個輻射感應器受損
    1小時前
  7. 再有運載糧食穀物的貨船獲准駛離烏克蘭南部敖德薩港
    再有運載糧食穀物的貨船獲准駛離烏克蘭南部敖德薩港
    2小時前
  8. 拜登連續兩天病毒檢測呈陰性解除隔離
    拜登連續兩天病毒檢測呈陰性解除隔離
    2小時前
  9. 以色列與巴勒斯坦聖戰組織達成停火協議
    以色列與巴勒斯坦聖戰組織達成停火協議
    2小時前
  10. 【晨早新聞重點】(8月8日)
    【晨早新聞重點】(8月8日)
    2小時前