【A&M Diary】食牛扒有時太大份，又會食唔晒；太細份，又驚食唔飽。究竟邊個先係最了解你個胃？咪就係你自己囉！所以我同M佬嚟到旺角新世紀嘅野郎Stone，牛扒即切即磅，加上野郎stone嘅牛扒係石燒，食幾多同生熟程度都由自己話事。
牛板腱
想追求口感嘅，可以叫牛板腱。牛板腱喺炙熱嘅鐵板上熱炙，而鐵板又可以維持溫度，所以想食生啲嘅朋友，記住要把握時間。牛板腱嘅肉味香濃，好Juicy。
牛柳
牛柳上面灑上蒜片，蒜片更帶出濃郁嘅牛肉味。牛柳相對軟腍，肉質嫩滑，夠晒滿足。
