0
0
〈好食〉蒸海鮮台式火鍋兩食 旺角尚膳養顏滋補鍋

〈好食〉蒸海鮮台式火鍋兩食 旺角尚膳養顏滋補鍋

〈好食〉蒸海鮮台式火鍋兩食 旺角尚膳養顏滋補鍋

【A&M Diary】新鮮嘅海鮮真係唔駛花巧,加少少蒜蓉清蒸就最好味。食完海鮮再將海鮮嘅精華打埋邊爐,就更徹底啦!今日我哋嚟到旺角嘅尚膳養顏滋補鍋,先食蒸海鮮再打邊爐,一次過滿足兩個願望。餐廳以中式為設計風格,裝潢古色古香,環境相當優雅,而地方闊落,坐得舒服。食材夠新鮮而選擇非常多,呢個晚餐真係夠晒豐富!

尚膳麻辣鍋(小辣)配酸菜白肉鍋
鴛鴦鍋就選擇咗尚膳麻辣鍋配酸菜白肉鍋,一邊辣一邊酸就最夾啦!我哋今日揀咗小辣嘅麻辣鍋,入面勁多香料。欣賞湯底一啲都唔油,唔算太辣而香氣十足,幾適合香港人口味。麻辣鍋本身有鴨血同蜂巢豆腐。鴨血份量算多,非常滑溜;蜂巢豆腐索晒湯汁,夠晒刺激。至於酸菜白肉鍋亦非常足料,微酸夠開胃,湯內已有酸菜、白肉同寬粉,一滾就有得食啦!

蒸蕃薯蜆
打邊爐前,店員會先喺鍋底上加上蒸㗎,開始食蒸海鮮。蕃薯蜆份量多,蒸到開蓋就食得。蕃薯蜆嘅肉身唔算大粒,但就非常鮮甜。

蒜蓉粉絲蒸開邊蝦
蝦預先開邊除咗方便大家食用,更可以令蝦肉更入味。上面放有蒜蓉粉絲,蒜蓉香濃,蝦肉彈牙,當然精華就係啲粉絲啦!

蒜蓉粉絲蒸象拔蚌仔
象拔蚌仔大大隻,蚌肉厚身,非常鮮甜。

蒜蓉粉絲蒸元貝
元貝成隻手掌咁大,新鮮肥美,味道鮮甜。

蒜蓉粉絲蒸蟶子
蟶子長身,索晒蒜蓉香味,令味道更有層次。

牛頸脊
牛頸脊非常新鮮,色質紅潤,雪花紋理清晰,牛肉味特別濃,輕輕一淥就食得。

西班牙黑毛豬
黑毛豬顏色粉嫩,肥瘦均勻,好嫩口,豬肉味香濃!

獅頭鵝腸
清新乾淨,無腥味,爽口彈牙。

四式餃子拼盤
四式餃子有鮮蝦菜肉餃、豬肉韭菜餃、鮮蝦雲吞同鳳城水餃,粒粒都係餐廳自家生製,用料新鮮,粒粒飽滿!

野生竹笙
竹笙係必叫!竹笙係必叫!竹笙係必叫!重要嘅事情要講三次!野生竹笙勁大條又厚身,竹笙索晒湯底精華,無得輸!

三色滑拼
三色滑分別有手打墨魚滑、手打蝦滑同手打鯪魚滑。三種滑都係最鍾意就係餐廳自家製。我哋最鍾意就係手打蝦滑,入面勁多蝦,超彈牙!

  1. 更多
  1. 伊館疫苗接種中心承辦商撤回7月起停運中心決定
    伊館疫苗接種中心承辦商撤回7月起停運中心決定
    7小時前
  2. 湖北十堰市燃氣爆炸增至25人死亡
    湖北十堰市燃氣爆炸增至25人死亡
    6小時前
  3. 中廣核回應輻射指控:台山核電站及周邊環境指標正常
    中廣核回應輻射指控:台山核電站及周邊環境指標正常
    6小時前
  4. 北約秘書長:北約將和歐洲美國合作應對全球挑戰
    北約秘書長:北約將和歐洲美國合作應對全球挑戰
    6小時前
  5. 日本在野黨周二對菅義偉提不信任動議
    日本在野黨周二對菅義偉提不信任動議
    7小時前
  6. 路透社:北約峰會聯合公報將列明中國野心影響國際秩序
    路透社:北約峰會聯合公報將列明中國野心影響國際秩序
    7小時前
  7. 再多15人接種疫苗後不適送院
    再多15人接種疫苗後不適送院
    8小時前
  8. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    8小時前
  9. 食環署巡查近二千間處所 檢控7名業務負責人
    食環署巡查近二千間處所 檢控7名業務負責人
    8小時前
  10. 【6月14日疫情速報】(21:45)
    【6月14日疫情速報】(21:45)
    9小時前