【Viu】眨吓眼Dear Jane就成軍20年啦！為慶祝入行20周年，4子三度踩上紅館大舞台，喺嚟緊5月開4場演唱會，同fans一齊唱爆紅館同時嚟個回憶之旅！Dear Jane四大之最，「最唔想唱嘅歌」、「最不堪回首」、「最感動」、「最辛苦」又係邊幾個moment？Tim難忘開騷爆褲；Jackal自爆驚被退團；Nice台上打鼓打到手抽筋；Howie遺憾喺MV仆低，超多BTS！

【Viu】40年代經典粵語片笑匠俞明，於上月4日、初七人日早上於睡夢中安祥離世，享嵩壽100歲。今日於香港殯儀館以傳統佛教儀式設靈，並於明早11時舉行封棺及大殮儀式、中午12時正式出殯，靈柩隨即移送柴灣歌連臣角火葬場火化。

【Viu】小薯茄成員程人富同朱Mic今日出席《公司逼我打籃球》記者會，首度開腔回應吳冰細妹吳泳同健身教練偷食一事，富哥同朱Mic話呢排冇返公司，冇見到阿冰，但有問候對方，公司亦有同事睇住佢。富哥坦言阿冰唔需要因此同小薯茄道歉，反而大家會照顧佢，相信情緒冇問題嘅！

Fatboy@ERROR、193@ERROR、George@P1X3L今日以新組合「PUZZ13」出席《公司逼我打籃球》記者會，再次孖師兄受訪嘅George已經完美「ERROR化」，自動波擺出ERROR手勢，仲教埋師兄擺P1X3L手勢，笑爆全場！三位仲話要以「PUZZ13」名義吸金，3爺笑指因為佢哋歌詞寫過「就算跌崩一隻牙齒」，所以可以代言牙醫，仲話要搵許廷鏗傾吓合作大計，SLDPK呀！

【Viu】徐仁國和鄭恩地日前分別在Instagram上傳穿著情侶裝在同一個地方拍攝的照片，預告時隔13年的新合作。即睇Viu《K1韓娛新聞》！

【Viu】演員姜明珠不敵癌症病逝，終年54歲。即睇Viu《K1韓娛新聞》！

【Viu】劉青雲、Karen莫文蔚同韓星CL今日出席名錶活動，CL僅閃現廿秒，但仍識做地風騷派飛吻。青雲透露人生中第一隻靚錶，正正係太太郭譪明所送，閒時都有戴情侶錶同撞衫，心有靈犀㗎！講到憑《爸爸》入圍《亞洲電影大獎》嘅「最佳男主角」同爭金像獎影帝，青雲坦言一定要對自己有信心，但唔會視其他入圍者係「對手」，皆因大家都係熱愛電影嘅電影工作者，無論邊個攞獎都開心！咦，咁許冠文係咪最大勁敵呢？青雲就謙稱唔係好敢同大大大大前輩比較喇，又話戥老友子華神冇份提名可惜，但笑言對方拍幾套嘅票房已經超越自己成世人啦！

【Viu】李居明大師、薛家燕、米雪及龍貫天等今晚告別北角新光戲院，吸引數百巿民圍觀。李居明師2012年以月租100萬接手續租新光，令本來早已結業嘅戲院「翻生」，眨眼12年之後，今晚李居明陪幾百粵劇迷欣賞最後一台戲《小平你好》之後，11時散場就親手主持熄燈兼關大閘儀式，正式告別新光，不再續租。

李居明喺台上表示當年明知蝕本生意，唔甘心粵劇文化失傳所以接手，又自爆當時親手寫信求原業主答應續租，內容聲淚俱下望粵劇演員豐足，好有愛！李居明更表示多次游說家燕姐演粵劇惜被拒絕。

家燕姐儀式後接受訪問表示喺杭州拍戲趕返嚟，佢哽咽話萬般不捨，又感激大師多次分文不收俾場地佢旗下嘅家燕媽媽藝術中心演出。米雪同江美儀就緬懷以前嚟睇戲，有好多嘢食賣包括雞腳咁，又指終結唔等於悲觀，唔使安慰大師。想睇新光戲院熄燈情況，快啲CLICK入嚟睇片啦！

【Now.com】第97屆奧斯卡頒獎典禮於本港時間今早（3日）8時在洛杉磯舉行。話題作《阿諾拉》（Anora）橫掃最佳電影、最佳導演等五個獎項成為大贏家，年僅25歲的米姬麥迪遜（Mikey Madison）更憑此戲擊敗大熱門的狄美摩亞（Demi Moore）爆冷封后。而艾哲倫保迪（Adrien Brody）就憑《粗獷派建築師》（The Brutalist），相隔22年再成影帝。

【Viu】女團Nine Muses出身的懸雅日前公開多張大肚相，並分享了過去兩年懷二胎以及育兒的經歷。即睇Viu《K1韓娛新聞》！

【Viu】防彈少年團（BTS）成員Jin在去年的線下活動被強吻，警方立案調查50歲日本粉絲後向她提出出庭要求。即睇Viu《K1韓娛新聞》！

【Viu】Tony洪永城今日同太太Inez梁諾妍、大女Amber洪靖嵐一齊拍廣告，3歲大嘅Sir Face可愛爆燈，除咗錫錫嗲哋媽咪外，又即席示範拉筋動作，仲識接受訪問添，Kawaii呢！Tony同Inez笑言主角Amber酬勞最高，兩夫妻只係配角，又大讚阿女精靈活潑，完全唔怯場，唔止個樣係Sir Face，連social能力都係神複製Tony，仲話今晚要食朱古力雪糕當獎勵，笑爆全場！

【Viu】一連兩場《陶喆 SOUL POWER II 世界巡迴演唱會 - 香港站》
今晚尾場圓滿結束，陶喆完騷後受訪，佢話相隔多年重登紅館非常感動！提到前一晚演出中途場館停電22分鐘，陶喆謂緊張到好似停咗成粒鐘咁耐，淨返支咪同結他有電，都唔知講咩好！

佢又話自己把聲唔係幾好，可能因為嚟香港前搞緊新專輯，唔夠休息，都係靠歌迷畀力量去唱完，仲要靠專注去克服，豁出去啦！

提到好多歌迷叫佢做老公，陶喆笑言唔覺得自己多咗好多老婆，又話聽見叫佢嘅都係男生居多！

至於噚日唱《愛愛愛》致敬音樂才子方大同，今日佢喺台上就話生命好脆弱，要好好珍惜身邊人，尤其自己做咗人爸爸，所以更有同理心。陶喆話覺得好遺憾，得嗰41歲咁後生，真係好可惜，自己同大同唔算好熟，不過當聽到呢個消息，團隊成員包括音樂總監及結他手都同大同比較熟，都喊到眼紅晒，於是佢就問對方介唔介意唱首歌做致敬，大家都話唔介意，臨時決定所以都冇乜點綵排，當係一個尊敬囉！佢原本有諗過今年做另一個tour，想搵大同做嘉賓，可惜！想知更多，睇足本訪問！

【Viu】一連三場《吳林峰To Be… 演唱會》今日下午舉行第二場，除咗MIRROR成員Jer、Jeremy同金牌監製王雙駿、許廷鏗、Moon Tang等捧場外，仲邀得「叱咤新力軍金獎」得主Ashley林愷鈴做嘉賓合唱，吳林峰仲怕怕醜醜咁送生日禮物畀壽星女，又請全場觀眾齊齊講Happy Birthday，場面溫馨！

吳林峰騷後受訪分享一日唱兩場嘅秘訣，全靠自隊兩個飯盒，又話邀請Ashley做嘉賓全因一個字—靚，仲笑談畀Carl叔叔催婚嘅拆解方法。講到Jer、Jeremy同Stanley喺短片中控訴佢唔造歌畀佢哋，吳林峰再三否認，仲立Flag話：「有嘅話，我聽日就禿頭！」又話已經幫三位分別寫咗一首歌，係舊年12月交貨嘅，絕對冇逾期未交！

此外，吳林峰噚晚喺首場演唱會上唱《好不容易》悼念方大同，佢親自剖白收到偶像死訊嘅心情，想知就睇足本訪問啦！

【Viu】有「華語R&B教父」之稱嘅台灣創作歌手陶喆，相隔17年重登紅館舞台開一連兩晚《陶喆 SOUL POWER II 世界巡迴演唱會 - 香港站》。噚晚首場演出座無虛席，陶喆更唱出多首金曲，其間當陶喆喺演唱經典歌曲《流沙》之後，突然靜下，神情變得嚴肅又沉痛，悼念音樂才子方大同！

方大同於上月21號病逝，終年41歲。他20年前出道時曾被封為「香港陶喆」，陶喆在昨晚個唱期間忽然沉痛哽咽道：「就今天（3月1日），我們得知了一位優秀的音樂人，離開了我們－方大同。」陶喆難掩哀傷情緒，全場氣氛瞬間變得凝重而沉痛，他說：「We will miss you forever。我相信對很多人來說，這是一件很悲傷的消息。」陶喆又向現場觀眾請求：「可不可以大家允許我，還有我們，對方大同致敬，表達對他的思念。謝謝大同帶給我們這麼多的溫暖，這麼多的愛。謝謝。」隨即獻唱方大同嘅代表作《愛愛愛》，更將最後歌詞唱成「我愛故我...你永遠都在！」

陶喆個唱發生一段小插曲，夜晚10:15左右發生停電事故，有網民表示：「大離譜，陶喆演唱會一半紅館停電了......還在搶修中！」但陶喆並冇因此影響表現。

除咗陶喆，G.E.M鄧紫棋噚晚喺新加坡舉行演唱會時，憶起摯友方大同不禁傷心落淚，佢喺台上哽咽道：「活到33歲，我真的覺得最重要就是感恩我們還活著，我們還有機會。我真的覺得活著值得感恩，好好活著，就好了。」G.E.M同方大同曾喺2014年《我是歌手2》總決賽中，合唱《春天裡》成為亞軍，可惜已成永訣，令人心酸。

【Viu】林峯、Jennifer余香凝、苑瓊丹、梁雍婷同王敏奕今日為《面試特攻隊》開鏡拜神，阿峯笑言苑仔演自己同Jennifer個女，所以多年來都搵唔到學校，認真搞笑！講到幫小朋友報學校嘅「慘況」，為人父母嘅阿峯同Jennifer當然感同身受，估唔到苑仔都咁感觸，係咪好想知點解呢？

對於憑《九龍城寨之圍城》提名金像獎「最佳男主角」，阿峯坦言首次亮相金像獎好興奮，要向上屆影后Jennifer取經，仲坦言想攞獎添！至於戰衣呢？苑仔就提議阿峯將當年發哥嘅西裝襯老牛look昇華，到底阿峯點回應呢？

此外，王敏奕為劇情自隊半支酒，拜神期間全程面紅紅兼腳步浮浮，好彩有老Best梁雍婷Carry，除咗高呼唔想生B，仲話想拍GL戲，咦？使唔使問過老公曾國祥先㗎？快啲睇足本訪問啦！