【Now.com】港人移居到其他地方工作假期並不罕見，不少人更會將工作假期的生活點滴拍成影片，上載到YouTube與其他人分享。不過最近一對移居日本的港人夫妻YouTuber「Brian在日本住」營運頻道的方式就引起網民的熱議，不少人批評他們拒絕打工賺錢，希望觀眾課金支持他們在日生活的方法不切實際。面對一眾批評，Brian就上載影片向網民道歉，並表示希望網民不要網暴他和太太Luna。

【Viu】TLT曾樂彤去年轉軌道做獨立唱作歌手，事隔多年終於再推出情歌，搞到唔少fans都話等到頸都長呀！新歌《白月光》細談每個人心底嘅白月光，呢份不可褻瀆嘅美好回憶係一份遺憾？TLT有冇呢份遺憾？佢嘅白月光又係點嘅？

【Viu】Jennie日前（7日）在美國洛杉磯舉行個人演唱會，她身穿破格的低胸緊身衣跳舞時差點走光，引起網民熱議。即睇Viu《K1韓娛新聞》！

【Viu】容祖兒今日出席珠寶活動，仲爆笑話下個珠寶Collection唔揀老闆楊受成書名《爭氣》，反而要叫「還未」，又笑指公司「還未」出糧，老闆都配合扮嬲豬，認真玩得！

祖兒透露聲帶已經好得七七八八，目前積極準備4月舉行嘅澳門騷，仲分享早前唱完啟德主場館後嘅感受，自己都希望學老友謝霆鋒咁進軍啟德開騷。祖兒除咗課金買飛支持老友外，仲不斷向霆鋒點歌，仲話如果對方唔唱呢首歌會反枱，係咪好想知呢？

此外，講到音樂才子方大同早前病逝，祖兒坦言傷心又震驚，榮幸自己可以跟大同合作過《牆紙》，仲話有首未出嘅Demo喺mail box，想知更多就睇足本訪問啦！

【Viu】「勝利緋聞女友」劉惠媛參加戀綜《COUPLE PALACE 2》引起網民熱議。即睇Viu《K1韓娛新聞》！

【Viu】《Leap of Faith》係Gin Lee李幸倪加入新公司後嘅第一張專輯，其中新歌《無愧於當初的我》呼應返13年前果首《今天終於一人回家》，佢由隻身嚟香港追夢，到上年喺樂壇頒獎禮上大豐收，都算對自己有個交代啦！Gin Lee唱功了得，未入行前已兩度被唱片公司睇中，但當為咗讀書而拒絕簽約。不過畢業之後，就要靠自己一手一腳去搵機會，但屢次寄demo慘被食檸檬，佢坦言都後悔冇早啲簽公司。

Gin Lee喺音樂家庭長大，佢細細個就跟住父母搵真銀，但回想起第一次出Show，佢就有個不愉快經歷。之後喺婚宴上演出亦試過被柴台，真係少啲EQ同舞台經驗都唔得啊！

Gin Lee嚟港奮鬥15年，除咗有一班「幸運兒」大大力Support，仲有一位喺默默支持佢嘅男人， YT周殷廷對Gin Lee嚟講就如家人般的存在，兩位互相扶持、打氣，係愛啊！ 

【Viu】《2025香港電影導演會年度頒獎典禮》今晚喺尖沙咀舉行，《破．地獄》破天荒「一家三口」齊齊得獎，許冠文封帝、衛詩雅封后、朱栢康膺「最佳男配角」，而「最佳女配角」同「最佳新演員」則由《爸爸》嘅谷祖琳同Dylan蘇文濤齊齊得獎！「神級影帝」周潤發驚喜現身頒發「執委會特別獎」畀《香港四徑大步走》，仲話睇呢套紀錄片睇到爆喊。

【Viu】《2025香港電影導演會年度頒獎典禮》今晚喺尖沙咀舉行，全場頒發十個大獎，當中《破．地獄》擸走三個大獎，包括影帝、影后同最佳男配角獎，相當威水！許冠文封帝後受訪，坦言見到惠英紅頒獎就估到自己拎獎，皆因兩位係首屆金像獎影帝影后，仲話連外國都未試過「一家三口」齊齊整整上台，又話唔會諗定金像獎，事關享受沿途風景最緊要！至於攞男配嘅朱康同封后嘅詩雅都因為得獎而變喊包，亦希望承大家貴言，喺金像獎再下一城！

【Viu】許冠文、張繼聰、Kay謝安琪、任賢齊等今晚現身《2025香港電影導演會年度頒獎典禮》，阿聰同Kay首度回應好友方大同死訊，Kay傷感到全程講不出聲兼眼紅紅，阿聰亦神情哀傷話新年仲Send緊低B相畀大同，當時唔知道佢病情有變，兩公婆亦係同公眾同步知道大同病逝，需要時間去平復心情！

【Viu】MIRROR正副隊長Lokman、AK聯同Alton、Tiger、Frankie、Dee哥@ERROR今日以「香港演員組合」現身《2025香港電影導演會年度頒獎典禮》，笑言要各施各法搲撈，向來係「結論精靈」嘅Frankie仲爆金句，笑爆全場！

【Viu】金宣虎日前與新公司Fantagio簽約，但事後被爆為巨額簽約金臨時變卦，放棄原本已談洽的宋仲基所屬公司HighZium Studio。即睇Viu《K1韓娛新聞》！

【Viu】演員姜恩菲昨日（6日）在社交平台上公布喜訊，將於下月與拍拖17年的男友結婚，而她的未婚夫是「臉讚」出身的卞俊弼（音譯）。即睇Viu《K1韓娛新聞》！

【Viu】《IAN CHAN "TEARS" IN MY SIGHT SOLO CONCERT TOUR 2025 - LONDON》將於12號舉行，Ian陳卓賢今晚9時半現身香港機場，啟程去倫敦做好準備，以「眼鏡賢」Look現身嘅Ian，不時向現場等候嘅Hellosss派飛吻兼派心，仲有大合照，寵粉世一呀！

【Viu】早前宣佈離巢嘅Kaman江嘉敏今日去咗又一城出席活動，現場聽完 鋼琴家 Maksim音樂分享，即話好有衝動想買返部三角琴返屋企玩，佢以前都有彈琴，只係工作忙冇練啫！講到識樂器嘅男仔係咪會加分？Kaman話當然會，佢早前識咗個男仔拉小提琴好厲害，仲話想同Kaman jam下，嚟個小提琴同 鋼琴合奏添！Kaman話打從心底為呢個男仔加分，咁係咪有機發展？佢話多咗話題，不過仲係朋友啫！

【Viu】Day@COLLAR今日喺尖沙咀出席新歌《Wait A Second》Release Party，首次獻唱新歌之外，又同一眾Nights簽名兼合照，場面熱鬧！Day坦言首次單飛表演超緊張，又開心share拍攝MV趣事，爆COLLAR隊友買埋珍珠奶茶嚟探班，仲爆埋去新加坡團綜要簽勁多生死狀兼有泳裝添！

【Viu】舞台劇《你好，打劫！》三度公演，嚟緊暫定5月頭喺壽臣劇院公演9場Reunion，呢round仲新加入兩位「新血」朱栢康、芯駖@COLLAR！原來今次仲係導演朱栢謙同細佬朱康喺劇場上首次合作，一個嗌「難搞」、一個嗌「恐懼」，真係有咁驚？點知下一秒佢哋就互笠高帽，呢兩兄弟堅係鬼馬又善變呀！

【Viu】Tyson Yoshi今日孖新歌《1994》MV導演何圖，快閃男人天堂深水埗黃金電腦商場宣傳新歌，吸引唔少人圍觀。充滿電影感嘅MV揼本100萬，含飛車、打交元素，向《古惑仔》、《烈火戰車》致敬，Tyson自爆偶像鄭伊健本答應合唱，可惜夾唔到期。

【Viu】ViuTV最新綜藝節目《足球女將》嚟緊周一晚就啟播！主教練郭嘉諾、助教Brian陳安立同蘇家豪等，今日率領其中21位女將現身記者會宣傳造勢！Brian自爆為咗班女將曾傷心流男兒淚，見到佢哋受傷個心都痛，為其他女仔心痛，老婆林希靈知唔知㗎？返屋企使唔使跪玻璃？

【Viu】創作歌手方大同於2月21號病逝，終年41歲，震驚各界。商台《星光背後》重播大同2019年回港舉行最後紅館騷前嘅個人專訪，紀念香港樂壇一代才子。

【Viu】Bobfather林盛斌喺紅館舉行棟篤笑，完騷直落慶功宴，受訪時開心話做到第5位登上紅館開棟篤笑嘅藝人，簡直係夢想成真，所以一升上台見到有咁多人支持自己就忍唔住爆喊！講到Bob喺個騷入面話如果下次申請到開啟德，就一蚊一張飛，係咪堅㗎先？