ViuTV 劇集《i.Swim》由 MIRROR 成員呂爵安（Edan）及男神魏浚笙（Jeffrey）主演，劇中有大量晒肌肉鏡頭，一眾粉絲早已引頸期待。劇集拍攝剎科已幾個月，Edan 就嘆肌肉已經消失。

人氣男團 MIRROR 成員王智德（Alton）主持的節目《勁騎26》，昨晚播出一集講到他去嘗試一日浪浪送行的工作，而在完成拍攝後，團後在馬路再遇到一隻遭車撞的毛孩，Alton 立即下車站在毛孩身邊，避免狗狗再捱車撞。

【Viu】演藝圈中充滿不同魅力的藝人，而走性感風格的女星特別容易招到惡意的眼光。而以下3位女星其堂堂正正面對網民批評的態度，卻讓網民的評價由負面轉化成正面。即睇Viu《K1韓娛新聞 2022》！

男團 ERROR 成員吳保錡（Poki）上月推出首支個人單曲《猥瑣》，Poki 亦去與粉絲的應援廣告打卡拍片，並興奮指自己夢想成真！

荷李活男星尊尼特普被前妻安芭赫德（Amber Heard）指控家暴，因而聲名受損，失去多部片約，他後來入稟告安芭誹謗，官司近日續審。隨著越來越多證據披露，輿論風向幾乎一面倒撐尊尼特普，女方成為眾矢之的。最近有傳安芭赫德在《水行俠2》的戲份被減剩10分鐘，她更因為不滿醜聞，怒炒自己的公關團隊。

【Viu】呢兩日天氣突然凍咗唔少，仲要落雨，相信唔少人嘅心情都受到影響，小薯茄嘅阿冰都唔例外，所以佢今日開Live同大家傾偈抒發心情，不過竟然有人話佢肥，阿冰都有啲唔開心㗎，不過佢就話自己唔係介意肥，係介意肥咗之後會變醜，佢亦都自爆，如果自己唔鍾意冇禮貌嘅人。程人富最近開Live唱歌俾大家聽，阿冰都大讚佢進步咗好多！

漫威電影《奇異博士2：失控多元宇宙》（Doctor Strange in the Multiverse of Madness）周三將於香港上映，在內地卻仍未有檔期。近日有網民發現，《奇異博士2》最新公開的片段出現《大紀元時報》報紙箱，在內地引發爭議，電影上映機會恐怕愈見渺茫。

【Viu】Sica何洛瑤不時開Live唱歌俾大家聽，前日佢喺Live又單眼，又飛吻，又派心，殺死人咩！而當日就係佢偶像姜濤嘅23歲生日，Sica都有唱《
Dear My Friend,
》賀賀佢。之後佢仲重唱當初參加《全民造星4》比賽嘅歌，相信大家都好有回憶呀！而最近全城掀起MIRROR演唱會撲飛潮，呢晚竟然有人托Sica問保錡攞飛，佢當然要學保錡咁用港普拒絕啦！

【Viu】Edan噚日公開咗Solo歌《Elevator》嘅新花絮片，片中仲劇透咗少少拍Dance version嘅畫面添，爵屎們係咪好期待呢？今次雖然係Edan第一次挑戰唱跳，有份幫手排舞嘅肥仔事前都話有啲擔心，拍攝前一日仲特登同Edan私人補習添，不過當正式拍攝，Edan嘅表現好到肥仔都要比個Like啊！之後仲去咗樹林拍外景，唔知係咪已經完成跳舞嗰Part，成個人輕鬆晒，Edan喺樹林度勁百厭，又扮爵媽影相，又叫人同佢玩捉迷藏，真係笑死啊！

【Viu】小薯茄嘅麗英最近推出咗新歌《東京一轉》，仲邀請到MIRROR嘅AK同Alton客串。最近佢開Live同fans傾偈，話希望7,8月會再出新歌，仲想搵一位有日本高中生feel嘅男仔做MV主角，有觀眾推薦MIRROR，麗英就覺得Tiger同Ian都好適合演學生。另外適逢開Live當日係姜濤生日，麗英就分享佢同姜Man一個秘密喎......

【Viu】一段時間冇出新歌嘅阿Deep吳浩康，喺3月尾推出今年第一首派台歌《見字醫病》，以朋友嘅真實故事為靈感，講述人與人之間嘅相處！而阿Deep呢世人相處得最耐嗰個，一定係佢爸爸！雖然同老人家相處難免會有磨擦嘅時候，不過阿Deep一諗起自己後生時犯下嘅過錯，令老豆激心咗咁多年，佢都好感激爸爸對佢嘅耐心同循循善誘，成為佢日後為人父親嘅最佳榜樣！為咗照顧爸爸、太太郭思琳同未出世嘅BB，阿Deep都要加緊努力賺奶粉錢，今年都會陸續出新歌，計劃出碟！見到近年香港樂壇越嚟越有生氣，佢都話要多謝MIRROR，令香港聽眾再次關注中文歌啊！

【Viu】「宅男女神」鄧月平（Larine）着超deep V晚裝拍攝卡片廣告，今次仲係由佢自組嘅工作室首次包辦製作，酬勞方面Larine笑話都足夠養活員工一段時間嘅，所以係好開心！早前因為拍MV狂減5、6kg，相比起Larine兩年前體重飆升至65kg，依家42kg真係瘦足兩個碼！難得keep fit成功，佢都話希望可以維持住呢副靚body之後拍電影。

【Viu】MIRROR正副隊長Lokman同Anson Kong最近忙住拍新劇《死角》，連日嚟都去咗屋邨茶餐廳取景，吸引大批街坊圍觀，兼影相放上網分享。其中一場戲，見到兩人坐喺露天餐枱，邊食邊傾，唔知係咪配合冬天播出關係，兩人喺近日炎熱天氣下仲要著住長袖外套開工，睇見都覺得熱啊陰公！不過佢哋咁專業，為求拍攝順利，當然發揮忍耐力，零怨言啦！而頭巾兵團、生粉亦有聯同蛋白粉以及小虎隊，一齊為劇組送上食物應援，勁Sweet啊！

【Viu】「試當真」老闆游學修，同有世一女神之稱既成員Ca姐 Jessica 陳苡臻，之前因為喺直播時兩個人飲一杯凍檸茶而傳出緋聞！當時游學修否認拍拖，不過佢幾日前喺IG公開認愛，話自己終於追到Ca姐喇！但喺收到祝福嘅同時，亦都有唔少閒言閒語，就連呢日Ca姐開 Live傾偈，都有網友質疑佢一腳踏兩船，派綠帽俾前男友啊！搞到佢都好無奈要再次重申，佢同前男友早喺半年前分手，兩段感情絕對無重疊！不過Ca姐而家同同老闆光明正大搞辦公室戀愛，唔少人都講笑話佢升呢做老闆娘，但係佢就話自己一啲都唔志在喇！

俄羅斯入侵烏克蘭超過兩個月，戰事仍未有緩和跡象。荷李活女星兼聯合國難民署特使安祖蓮娜祖莉（Angelina Jolie）昨日突然現身烏克蘭西部城市利沃夫，以個人名義探訪寄宿學校及醫療機構。據知探訪期間現場一度響起空襲警報，安祖蓮娜需迅速到安全地方避難。

【Viu】姜濤喺4月30號23歲生日正日，推出十胎《作品的說話》，新歌MV製作龐大，除咗動員過百演員同Dancers，仲加入電影級CG特效，可以話係MIRROR有史以嚟，無論團歌定隊友solo，拍過最重本最大陣仗嘅MV！

【Viu】今年24歲嘅VAL（趙展彤）由8歲開始就參加唔同選秀比賽，經驗咁豐富難怪佢自稱「選秀達人」！但其實佢一開始唔係為咗要做歌手，自爆只係被文具套裝吸引，呢個又真係估佢唔到！
直至去到17、18歲，VAL先真正對幕前產生興趣，數到最近期佢就參加咗《全民造星IV》，以紮實唱功突圍而出，比賽完之後即自資籌備Solo作《二人之境》兼圓夢出道，同時仲夾埋CK、Ariel、榛綦同暐翹組「Strayz」，而女團亦都係以自資形式運作，兩邊狂揈錢咪好大負擔、壓力？點解唔簽唱片公司搵靠山呀？原來VAL話有陰影⋯令佢學識依家做任何決定都會諗過度過，即刻去片聽吓VAL點講⋯

【Viu】人氣王姜濤今日23歲正日生日，FC今日安排傳媒齊齊搭「姜濤號」去「姜濤灣」，當電車駛到sogo附近，兩旁企滿姜糖，大家齊聲祝福姜濤生日快樂，場面相當震撼！銅鑼灣多個打卡位有警員駐守，又有廣播提醒巿民唔好違反4人限聚令，姜糖們亦醒目地打卡及派應援，安全至上！
FC Admin透露香港連外國應援共花費7位數字，同時都有舉行生日義賣同籌款，幫助姜Admin最關心嘅小朋友，將應援同行善平均分配。而姜濤亦有拍片多謝Fans，亦祝願疫情快啲過去，大家可以去旅行！姜糖Winnus及Suki分別帶同囡囡Janus同Ashley到「姜濤灣」慶祝，佢哋仲book埋酒店諗住玩通宵，不但得到「前夫」支持，兩位小朋友都話對捱眼瞓未驚過呀，Ashley仲清唱咗兩句《蒙著嘴說愛你》，好Cute Cute呀！ 另外，Fiona同Annie C都有分享入坑經過，仲祝福姜Admin可以做更多好音樂，同埋快啲出pool拍拖，最後6位姜糖仲自創祝福語，祝偶像「身體快樂」！啱呀！人冇事先做到「亞洲第一」㗎嘛！

【Viu】許廷鏗（Alfred）趁昨日(29號)生日推出首隻黑膠大碟《2021》，令呢日有重雙意義！佢仲去到小店擔任一日店長幫手派碟，全程都有板有眼，講到生日願望啦喎⋯ Alfred許下大家早日除罩相見同唱片大賣！生日收到大量祝福是常識吧！但數到最特別、最難忘，就必定係老友鄭欣宜莫屬啦！事緣佢專登FaceTime壽星唱生日歌，但Alfred嗰陣沖緊涼，點算好呢？最後欣宜一句「show me」，Alfred就屈服開咗個FaceTime，但點知呢個決定令佢有少少後悔，事後仲喺ig story出post：「痴線！呢條女！」一齊聽吓Alfred還原件事！
本身開開心心派完碟，點知轉個頭就俾Alfred發現已經有人將隻碟放上網炒，標價成$2000，搞到Alfred都嬲嬲豬要喺IG出Post啊！大家記住唔好助長炒風啊！

【Viu】《肥美人》8強終於誕生，而節目主題曲MV亦正式面世，8位參賽者噚晚(29號)同主持駱振偉、陳葦璇以及娟姐開Live都話覺得勁興奮！而早前因為喺特訓歌舞環節扭傷腳嘅綺夢，都有向大家報平安，話隻腳已經好返好多，點知娟姐提出咗網民嘅尖銳問題，問綺夢扭傷究竟係唔係真，定係為咗搶鏡同爭C位，呀肥就話其實係我哋Team C嘅劇本嚟嘅，不過當然係講笑啦！大家唔好信以為真啊！
除咗冠軍，大會仲設立《民選最Like肥美人》嘅獎項，由網民投選自己嘅心水，投票噚日已經開始咗，咁8位肥美人開Live嗰陣當然有拉下票啦！而截止當晚10點半，就由Cherry同阿Bui領先緊。