【Now.com】一向跳跳紮的歌手ANSONBEAN（陳毅燊）明天（22日）將迎來24歲生日。日前豆粉（ANSONBEAN粉絲暱稱）為他舉辦生日會，ANSONBEAN的父母和弟弟亦有參加，媽咪更徇眾要求吻賀壽星仔，非常溫馨。寵粉的ANSONBEAN除了在見面會上勁歌熱舞，更為豆粉演唱專屬歌曲，又破例嘟咀賣萌冧Fans。
【Viu】一名擁約二十萬訂閱者的著名YouTuber涉多項罪行被立案調查。即睇Viu《K1韓娛新聞》！
【Viu】Jade關心妍日前參加機場三跑長跑賽事後，喺社交平台開心share用咗39分鐘完成「馬拉松機場渣馬」5km賽事，隨後有網民見近年熱愛跑步嘅保錡出post似釐清馬拉松距離，不過保錡好快就del post兼回應言論冇針對任何人，並指respect所有開始跑步嘅人！
至於Jade今日喺上環出席活動時現身回應，佢話睇到post冇hard feeling，始終係第一次參加跑步賽事，所以都唔太了解，感謝保錡提醒，自己都長知識！Jade又笑指當日未有機會見到「跑神」周潤發，希望之後再參加埋其他比賽項目！
提到巡迴演唱會，Jade指會繼續去唔同地方，或者會有跨年站，又冧指囡囡「心心」已變成固定嘉賓，更搞笑形容囡囡做「流行曲小霸王」！Jade話心心愛上Ninja Warrior運動，但佢就唔敢陪做，因為驚再甩骹咁話！另外，想知Jade點同老公sweet過結婚15周年？心心反向爸爸求婚？睇足本訪問啦！
【Viu】「宇宙天團」ERROR今日出席《ERROR死腳膠千萬巨蛋自作夢》記者會，死腳膠仲獻唱全新單曲《音思路》，Rock爆大埔！身為「大埔之子」嘅保錡同Dee哥，笑認今次有「衣錦還鄉」Feel，又即席搲Job，隨即畀數口最精嘅3爺潑冷水，笑爆全場！
ERROR又劇透節目超多爆點，Dee哥自此唔敢再食鰻魚飯；3爺玩到瀕死；同埋肥仔全裸上陣等。至於保錡呢，唔止喺節目晒日文，訪問都有講兩句，但佢坦言有就《呢度住吓 嗰度住吓》嘅表現，自我反省，之後會因應唔同節目、唔同拍檔而調整主持方法，希望大家見諒啦！想睇搞笑得嚟又認真嘅ERROR，記得睇足本訪問喇！
【Viu】陳家樂今日現身商場聖誕活動，講到今年首度同囡囡Camila過節，家樂話會同囡囡出街影燈飾，仲透露老婆Shiga已經準備好出街衫、心心睡衣嘅家庭裝，望見家樂面有難色咁，唔通佢想逆旨？
呢位新手爸爸又開心share湊B經，但佢笑話到依家都仲未過到壓力測試，所以仍未被批准單人帶B出街，究竟家樂衰咗邊瓣？佢又神預測Camila會嗌爸爸定媽媽先添！遲吓有冇機會見到家樂同BB父女檔出活動？
提到老婆帶埋囡囡去探佢班，家樂冧爆話開心，又笑指Camila係個social baby，見到陌生人都唔怕！但家樂直言好快就會同Camila簽合約，就係16歲前唔可以出夜街，笑話好難阻止出夜街呢個行為，仲話：「佢媽媽16歲前都出咗夜街啦！」可以咁true爆大鑊㗎咩？咁又幾時先可以拍拖？
電影《破·地獄》票房每日創新高，有唔少眼利嘅影迷發現喺credit嗰度見到陳氏夫婦嘅名，呢日家樂就親解credit之謎！更自爆曾經都有去過casting其中一個客串角色添！咁點解最終都未有演出？係咪如網民所猜測拍戲期間撞正家樂結婚，紅事、白事不能相沖？即刻去片開估！
【Viu】由Marf邱彥筒同Sheena陳書昕主演嘅電影《寄了一整個春天》，以中學生賣底底做引子，講述時下年輕人嘅「成長痛」，嗒落有味！首次演出電影嘅Marf，除咗要放低女團形象去賣底底外，最難演活口吃嘅「許澄」，落咗唔少苦功㗎！而Sheena飾演嘅Rachel就「癲癲得得」，同自己完全相反，加上要當街除底底，一啲都唔簡單㗎！
Marf同Sheena坦言除底底只係引子，《寄》片描述青少年嘅成長過程先係重點，仲勾起兩位嘅共鳴，大爆那些年玩電話同交友App嘅經歷；同埋FF同韓星拍拖嘅趣事。想知就睇專訪，保證有開心大發現呀！
【Viu】「小薯茄女神」吳冰、Heidi李靜儀同Chole蘇皓兒今日出席品牌活動，早前同女性朋友去意大利旅行嘅阿冰，直認同拍拖近8年嘅男友喺年頭已分手，心情已經平復得差不多，雖然未Ready新戀情，但阿冰都開出擇偶條件，估唔到小學同學Edan一早被DQ咗喇！回復單身嘅阿冰表示，唔使過Lonely Christmas，事關會同家人去西班牙旅行，又會同小薯茄Family開P，仲分享互送「伏爆禮物」嘅趣事添！
【Viu】Louisa麥明詩今日出席護膚品活動，以白色貼身裙展示5個月巨肚，雖然上圍明顯升Cup，但手腳依然纖幼，仲貪靚著4吋厚底高踭鞋示人，藝高人膽大呀！
【Viu】東方神起前成員金俊秀日前被爆遭女主播以對話錄音威脅及勒索4年，事件引起網民熱議。即睇Viu《K1韓娛新聞》！
【Now.com】韓國人氣女團BLACKPINK的泰籍成員Lisa，本月起展開首次個人巡迴粉絲見面會《LISA Fan Meetup in Asia 2024》，共去5個城市。已完成4站演出的Lisa，今晚（19日）將會在香港亞洲國際博覽館與一眾香港Lillies（Lisa粉絲暱稱）見面！不過，Lisa日前在台灣高雄的見面會的演出卻引來粉絲不滿，投訴見面會全程得80分鐘，Lisa只唱了5首歌，但票價昂貴，被認為相當沒誠意！
【Viu】童星出身的演員金秀晶公開發聲反對母校同德女子大學轉為男女校而遭受惡評，她表示將會以法律途徑去應對。即睇Viu《K1韓娛新聞》！
【Now.com】香港Rain迷又可以見偶像啦！「韓流天王」Rain（鄭智薰）今年頻頻襲港，先後在6月來港出席濕身音樂節、7月假亞博開演唱會、上月出席銀行活動。今日（19日），馬會宣布Rain將在12月8日（日）首度現身沙田馬場，擔任「浪琴香港國際賽事」開幕表演嘉賓，與粉絲近距離見面，更預告會帶來勁歌熱舞震撼舞台！
【Viu】 ViuTV新節目《P1X3L 5G上位計劃》會喺今個星期日登場，P1X3L三子、YoYo葛綽瑤、Alice許寶恆、Sica何洛瑤、Win Win楊安妮同Ash鍾卓穎，今日合體現身記招。節目去咗泰國、台灣、澳門拍外景，但P1X3L惜肉如金勁保守，講定唔騷肌，George仲話對5G嘅「泳裝」冇印象，勁爆笑！咁有冇識到泰妹同台妹？Marco就發表「A0偉論」，仲爆George好細，而Phoebus就夠大！至於P1X3L又有冇同5G飲酒傾心事？三位嘅答案就有出入，George就連公事、私事都搬埋出嚟，so real！
George又講到上月以處男電影作《不赦之罪》主演身份登東京國際電影節一夜成名，靚仔度MAX被封「港版新田真劍佑」，佢就好Humble唔敢認，但就晒咗幾句日文，即俾兄弟Phoebus截住叫佢唔好亂講，笑C！
Ash今次喺節目中要喺5層樓高跌落嚟，佢自己都話危險程度有10分，女女s都話唔會再試，仲大爆有好多淚水，好有愛！講到WinWin嘅「初戀情人」同Alice有接觸，仲畀咗好幾個Tips大家估。Sica又爆金句話呢個trip接吻接到無法公開呀，咁Juicy？記得睇晒足本訪問喇！
【Viu】英皇集團主席楊受成博士、許冠文、衛詩雅、導演陳茂賢、劉若寶同艾妮等今日現身《破．地獄》海報劇照展覽，宣布票房速破6千萬，大會送上蛋糕預祝詩雅24號生日，壽星女仲True爆話係最後一個3字頭生日，要好好珍惜。但正日依然會喺謝票中度過，仲直認生日願望係衝擊金像影后殊榮。許冠文聞言即讚詩雅嘅演出極佳，一度以為詩雅真係自己個女，睇好佢提名影后，但笑言自己嘅演出就未算突破，睇淡影帝提名喇！
不過，許冠文直言最近出街經常被叫「Hello文」，最感動係有觀眾話以往同自己一齊笑，今次就陪自己一齊喊，自覺令生命更有意義，亦有信心《破．地獄》可以打破票房紀錄，最好係全香港人都睇晒。講到周潤發都買咗飛捧場，許冠文都好感動，仲話想同偶像發哥合作，大讚發哥演乜似乜咁話！
此外，楊博士自爆當年投資《破．地獄》時曾被朋友質疑「倒錢落海」，全因對陳導、許冠文同子華神嘅信任先投資，仲話已經加咗陳導人工，仲揚言送層樓畀佢，羨慕屎咯！陳導就回應幾時推出「導演加長版」，原來唔係要等楊博士批准喎！想知就睇足本訪問啦！
【Viu】人氣偶像男團THE BOYZ的成員善旴被私生毆打而引起大眾關注。即睇Viu《K1韓娛新聞》！
【Viu】憑著《閃亮的西瓜》爆紅的崔顯旭昨日（14日）在個人Instagram上傳一張模型照片後，有網民發現模型反射出他的全裸身影而引起熱議。即睇Viu《K1韓娛新聞》！
【Viu】日本人氣偶像女團櫻坂46嚟緊喺月尾會參與年度大型音樂節Clcokenflap，佢哋亦係首支登上主舞台嘅偶像女子團體，真係勁威威呀！而其中兩位成員山崎天、藤吉夏鈴早前就率先快閃香港宣傳，話要提前同香港嘅Buddies say個hello，仲唔係出自於愛？
即將首次喺香港演出，唔知佢哋對香港嘅第一印象係點樣呢？山崎天笑話所有交通工具嘅櫈都好舒服，聽完佢咁答都真係會忍唔住講聲：「kawaii呢！」藤吉夏鈴就對一道港產名菜大讚好好味！佢哋又預告到時會跳唱新歌《I want tomorrow to come》，喺派福利方面，山崎天、藤吉夏鈴即場學講「我鍾意你」嘅廣東話，各位Buddies冧唔冧先？
睇到最尾有驚喜！山崎天、藤吉夏鈴玩game開心share小秘密s，就例如係臨瞓前會做啲咩？模仿對方嘅口頭禪嗰part勁爆笑！另外，女團即將迎接第四期生，身為師姐嘅佢哋又會點樣歡迎新成員？即刻去片等佢哋親口話你知啦！
【Viu】周潤發、唐詩詠、方力申、吳業坤、Mandy譚旻萱、霍啟剛同太太郭晶晶等，今朝冒雨挑戰《機場·渣馬︰三跑道系統十公里國際賽》。發哥表示今次唔係追求時間，反而係欣賞三跑嘅風景，仲笑言將來有「四跑」一定報名，又「點燈」詩詠參加2026年嘅渣馬半馬項目，但詩詠就自覺能力未達標喇！笑問榮升老闆娘嘅詩詠，有冇帶自家麵包嚟「進貢」發哥？發哥就話開舖第一日已經幫襯咗，仲大讚詩詠好甜，係咪好想知點解呢？
講到早前喺活動上同韓星G-Dragon再見面，發哥就開心Share同GD傾啲乜？仲話如果有邀約，唔排除去韓國會影迷咁話！至於被網友發現影發嫂大頭相，「Selfie之帝」發哥自認老貓燒鬚喇，好彩老婆夠靚，點影都靚啫，嘩！好閃呀！雖然發哥自嘲冇嘢撈，但一直都支持香港電影，仲買咗飛睇一套戲噃！
期間坤哥見到神級偶像發哥即小碎步上前集郵，最開心係發哥認得自己，仲知道佢有老婆，呢單嘢真係要寫落CV喇！
此外，前日生日嘅Mandy直言為咗比賽有就住玩、就住食，雖然今次見唔到發哥，希望努力練習可以追得上偶像嘅步伐咁話！
【Viu】限定組合「PKJ」陳蕾x Kaho洪嘉豪x Jeffrey魏浚笙順利完成亞博騷，直落keep住個hyper mode做訪問！先講到佢哋喺encore環節喪爆秘密，就好似係陳蕾喺同Kaho綵排4手聯彈鋼琴嗰陣，貪玩咪stand唔小心撼崩牙，陳蕾憶述當時腦海一片空白，超擔心係成隻牙冇咗！Kaho就爆陳蕾當知道只係崩咗少少就勁樂觀，個反應直頭係嚇窒咗佢！
跟手Jeffrey仲自稱小學嗰陣就睇陳蕾參加《亞洲星光大道》，話一聽到「陳蕾」呢個名，就莫名有種好強烈嘅feel！好彩Jeffrey夠靚仔，所以陳蕾就原諒咗佢講咁多次！
Jeffrey唔止喺encore嗰陣「焚」咗成對麒麟臂出嚟，有套歌衫係後面開咗一個正方形嘅蠱惑窿，點解煨sir想show呢part出嚟呢？事後佢仲有少少懊惱話唔記得遮胎記，咖啡豆不妨放大check check喎！sexy嘅仲有蕾子，一開騷就lace黑bra配西裝褸，真係睇到都㷫烚烚呀！
Kaho呢晚就同Jeffrey首唱合唱新歌《我感覺到》，貌似感覺到BL味濃，遲吓拍MV嗰陣會唔會加入BL元素玩錫錫？而佢哋喺唱《海邊的呀豪》嗰陣，各自揸咗部「私家車」上台，院長笑話佢差啲「炒車」係練出嚟嘅效果！另外，叱咤最新公布「我最喜愛的男/女歌手」最後10強，入圍嘅Kaho、陳蕾有咩感受？止步喺15強嘅Jeffrey又會唔會覺得失望？成條差唔多有15分鐘嘅足本訪問片零悶場，睇埋先瞓啦！
【Viu】《KATCH OUR LIFE 陳蕾x 洪嘉豪x 魏浚笙音樂會》今晚唱爆亞博！去到個唱最後部分，PKJ合體大晒舞技，兩舞王加一舞后chok爆跳唱《我說不可以》，唱到一半仲行出延伸台同fans say hi，而最緊要就係個ending pose，真係各有各特色㗎！
跳完一輪嘅PKJ，終於停低同fans傾吓偈，點知呢個「嬲」字組合一講嘢就鬥嘴！陳豪先夾埋對付Jeffrey，取笑佢唔除衫不得止，仲要着多件褸，真係唔應該啦！而當Kaho話想攞紙巾抹汗嗰陣，陳蕾即刻勁大反應問佢係咪要喊，完全係將平時私下最正嗰面show出嚟，好正！
之後三人變身陳三歲、洪三歲、魏三歲，連續再帶嚟《五瓣玫瑰》、《海邊的呀豪》、《Never Say Never》、《相信一切是最好的安排》，實行玩轉成個舞台！唱《海邊的呀豪》嗰陣，佢哋仲揸住架「私家車」喺台上飛馳，見洪三歲多次差啲「炒車」，相反陳三歲、魏三歲就勁穩陣啦！即刻去片睇PKJ玩得有幾癲啦！
| 1 | 2 | 3 | 4 | 5 | 6 | 7 | 8 | 9 | 下一頁 |
