【Viu】由電影大師杜琪峯監製嘅ViuTV原創劇《三命》，以主角「駱澤信」嘅不同抉擇去Present「銀河映像」嘅招牌宿命論，男主角固之然貫穿「一劇三命」，女主角同樣有決定性作用，周秀娜、林愷鈴、陳倩揚同伍詠詩分別對不同平行時空嘅阿信有具大影響！

【Now.com】南韓影星金秀賢噚日記者會，本港唔少傳統傳媒都直播，又大篇幅報道金秀賢與已故演員金賽綸的事件，可見這不再只是娛樂八卦新聞。金秀賢在記者會上哭咸，否認與金賽綸在未成年時交往，又指要向「橫豎研究所」、金賽綸遺屬索償120億韓圜。

【Viu】昨日（27日）YouTuber橫豎研究所開完記者會後，下午再在直播公開金秀賢拍給金賽綸的影片。即睇Viu《K1韓娛新聞》！

【Viu】一向鍾意小朋友嘅姜濤，呢日去到跑馬地馬場出席香港麥當勞舉辦嘅「第16屆麥當勞兒童愛心馬拉松2025」。今年係姜濤第三年擔任「香港麥當勞叔叔之家慈善大使」，佢希望繼續宣揚「小朋友幫助小朋友」嘅精神，今屆馬拉松成功吸引咗近6,000名大小健兒報名，為咗做善事，大人細路都活力十足！喺2024年，「香港麥當勞叔叔之家」一共籌到超過1,400萬的善款，為歷年最高籌款額。而截至2024年，香港麥當勞已為慈善基金累積籌得成9,500萬港元善款，可喜可賀。⁠適逢香港麥當勞成立50周年，可以同姜糖們一齊喺歡笑中傳遞愛心，姜濤都覺得別具紀念意義啊！

另外，姜濤從小就同麥當勞結下深厚緣份，佢自爆小學試過喺麥當勞俾姜媽讚同埋打，中學曾喺店內補習數學，之後又喺跑馬地分店做Part time返通宵更，到家陣擔任麥當勞叔叔之家慈善大使，人生每個階段都有麥當勞陪伴，見證住自己成長呀。

【Now.com】自3月10日起，金秀賢與已故女星金賽綸的戀情被爆出，女方家人指控金秀賢「戀童」及「逼債」，面對橫豎研究所的連環爆料，男方所屬公司數次發聲明否認，但都未能平息輿論。

【Now.com】港產片《破·地獄》港澳累積票房數字達1.6億，更榮獲香港電影金像獎18項提名。電影的加長版即將在4月4日清明節上映，觀眾可以看到12分鐘從未曝光的片段。而英皇電影就宣布以優惠價$80售賣戲票，部分收益更會撥捐至慈善機構。

【Viu】張家輝自編自導自演嘅電影《贖夢》，上畫至今連續四天成為票房冠軍，截至噚日票房已達330萬港元。過去一個週末假期，家輝帶住劉俊謙、朱晨麗、李凱賢、許恩怡、袁富華、袁綺雯等演員，馬不停蹄地謝票超過40場！過程雖然有啲疲累，但家輝好開心聽到觀眾近距離同佢分享觀後感，並坦言大家入場睇戲睇得投入，係佢哋最想睇到嘅畫面，家輝又分享話：「其實呢齣電影唔係咩嚇人嘅鬼片，只係題材上有一啲驚嚇嘅原素配合，我都唔希望大家因為被嚇怕而抗拒睇呢類電影。」佢表示樂見觀眾為咗衝破自己，買飛入場連睇兩次剋服心魔！

謝票期間觀眾反應熱烈，尤其見到兩代男神家輝同阿謙現身，阿謙仲大派福利，同幸運粉絲溫馨抱抱，冧死「劉太太」！而家輝都唔弱，有粉絲用紙牌手寫對偶像嘅欣賞同愛意，更公然表白心聲：「鑽石與黃金，不及我對家輝真誠與真心。」令家輝當場甜到入心，特登上前握手道謝。

提到「蔡辛強」同網民互動宣傳得到唔少迴響，電影未上已成佳話，唔少觀眾都好期待蔡辛強同文醫生一齊現身戲院，同大家分享自身經歷。家輝同阿謙就異口同聲表示，本身同兩位冇直接聯絡，但已透過相關人士召喚佢哋現身！

除咗電影備受矚目外，家輝所唱嘅電影片尾曲《永遠的失眠》都令大家燒腦，片尾歌嘅魔力加上家輝嘅歌唱實力，令粉絲們主動check紅館期，發現6月連置台仲有9日空檔期，紛紛建議家輝開演唱會。而家輝都認真話：「都可以試吓，到時我應該要定期性練歌，但近排我喉嚨唱歌唱得太多有繭，需要先休息一下再作打算。」

【Viu】戀愛綜藝《戀愛兄妺》出演者金允在和李允荷宣布分手。即睇Viu《K1韓娛新聞》！

【Viu】黃修平導演、游學修、Marco吳祉昊同小演員鄭進希，今晚專誠到即將結業嘅旺角新寶戲院為《看我今天怎麼說》謝票，阿修同「Mini修」進希合體受訪笑爆全場，進希仲笑言有人話佢似阿修多過嗲哋，激到嗲哋嘔血咁滯，又直認希望大個好似阿修咁靚仔，最好啲女朋友都似「修女郎」咁靚啦！

當阿修透露那些年帶過女仔嚟呢度睇《喜愛夜蒲》時，進希雖然話唔係自己嘅年代，但年僅11歲嘅佢竟然爆Seed話好想夜蒲，可惜父母唔批准。進希笑認套戲出街後成為同學拎明星簽名嘅中介，亦鎖定咗金像獎嘅集郵同拎簽名名單，仲畀阿修踢爆早一個月已試定「金像髮型」，真係人細鬼大咯！

此外，黃修平導演直認係街坊，喺戲院留低唔少腳毛，當然唔捨得戲院結業，希望寒冬盡快過去。Marco就話連場謝票帶嚟好多反思，亦收穫好多戲迷嘅鼓勵，想知就睇足本訪問啦！

【Viu】游學修首次同「Ca姐」Jessica以情侶檔出event，仲要一嚟就「啪啪啪」，咁激？大家唔好心邪，只係活動嘅gimmick嚟啫！點知同場仲有「第三者」Billy Choi，「三人行」變咗個「嬲」字！講返Billy同Ca姐「出軌」單嘢，Billy話冇諗過呢個宣傳會有咁大迴響，唔知當初喺Threads爆相嗰個係自己友、抑或真係有fans偷影？

【Viu】林家謙今日出席代言飲品活動，頒獎畀一班小學生，仲獻唱《神奇的糊塗魔藥》，真心才華洋溢喎！家謙開心Share小學往事，原來佢識煮法國菜㗎！講到將於5月同洪嘉豪、陳健安齊齊開拉闊，家謙密鑼緊鼓籌備緊，仲笑言唔Mind同嘉豪揈住衫合唱《黑玻璃》添！

【Viu】姜濤今日現身《麥當勞兒童愛心馬拉松》，即席獻唱生日歌賀店家50歲生日外，仲同麥當勞叔叔、滑嘟嘟、小飛飛同漢堡神偷，以及一班小朋友齊齊拉筋熱身。向來恨生女嘅姜濤哥哥，一見兩位小妹妹上台就主動Say Hi兼派心，唔知係咪因為太早起身，小妹妹冇咩反應，當準備落台時，姜濤哥哥再伸出友誼之手講Bye Bye，可惜依然「食檸檬」，搞到要慘慘豬咁同麥當勞叔叔訴苦呀！

【Viu】姜濤連續三年出席《麥當勞兒童愛心馬拉松》，身體力行為病童籌款，仲即席獻唱生日歌，祝賀快餐店50歲生日，場面熱鬧！姜濤直言陪住自己成長，除咗做過兼職外，仲試過喺店內畀姜媽讚同打，又公開多謝當年幫自己補習數學嘅Jacky Sir，認真搞笑！

【Now.com】《死神來了》（Final Destination）系列一直是恐怖電影的經典代表作，系列對上一部電影於2011年上映，網上一直有系列新作的消息流出。最近系列的最新作《死神來了：血脈》終於釋出正式預告片！一齊看看預告片有什麼新資訊啦～

【Viu】47歲的歌手朴杞濚昨日（26日）被爆在2年多前已和第二任丈夫離婚。即睇Viu《K1韓娛新聞》！

【Viu】金秀賢和未成年時的金賽綸拍拖事件不斷有新資訊，金賽綸老公、好友，以及Goldmedalist前員工等接連出現爆料。即睇Viu《K1韓娛新聞》！