【Viu】電影《破·地獄》今日破到嚟旺角街頭，主演Michelle衛詩雅、Rachel梁雍婷、朱栢康、導演陳茂賢合體向fans派雪糕，未食就已經夠晒sweet啦！

席間宣布電影票房衝破4500萬，啱啱喺廈門出席完金雞獎返港嘅Michelle直言好開心，搞笑話每朝起身一嚟就係睇票房；朱康則笑話每朝起身都要喊返轉！唔知就嚟生日嘅Michelle願望想票房衝到咩數字？

自電影上映後，佢哋就四出馬拉松式謝票，有冇被fans感動到哭咗？講到有唔少海外嘅fans專登嚟香港睇戲，佢哋表示有留意到，希望遲啲等多啲地方上映就走轉謝票tour，衝出香港！三人又指每晚都祈求兩位「祖師爺」黃子華、許冠文再歸謝票小隊，而聽Michelle嘅口吻，似係有機見到佢哋喎！

Rachel揚言睇好Michelle同朱康憑電影攞獎，兩位仲打開口牌話好恨拎添！導演亦曾表示有機釋出電影刪除部份，幾時先見到？另外，見Michelle開始試婚紗，佢笑話專登冇畀未婚夫睇相，想畀個surprise對方，唔知Michelle說服到未婚夫着褂未呢？即刻去睇足本訪問啦！

【Viu】《新城勁爆頒獎禮2024》記招今日舉行，有過百歌手出席，惟繼續冇華納歌手列席！以性感sporty look現身嘅Gin Lee李幸倪，率先獲頒「最佳衣着（女歌手）」獎，事後佢笑話有受寵若驚！佢又預告年尾會再有首新歌推出，真係超勤力呀！

講到Gin Lee入圍叱咤「我最喜愛的女歌手」最後10強，佢搞笑話喺拉票方面就比唔上軒公同fans睇相，不過佢都好有創意咁話可以擺檔同fans做一件事！Gin Lee又表示年尾有好多騷要參與，咁聖誕節咪同唔到男朋友過囉？會唔會被詐型㗎？

Sica就表示對攞獎抱平常心，依家專注focus喺12月頭嘅首個個人騷，每日有固定schedule練歌、練樂器，有感好似返去以前準備busking咁！佢又指最大挑戰係單人匹馬唱足2個幾鐘，自爆中間係冇嘉賓，所以每日都面對唔同嘅壓力，呢輪仲有失眠添呀！講到Sica同入圍叱咤「我最喜愛的女歌手」最後10強，佢搞笑話有少少心虛？之後會再拉票？

張明偉以樂隊Charming Way主音身份首次參加記招，首談大方認愛李麗珍個女許倚榕，佢即刻紅到面晒！女友早前幫佢拍MV，係咪收情侶價先？點慰勞女友？張明偉man爆話：「盡我能力慰勞佢！」之後會唔會情侶檔合唱？佢又搞笑話係識李麗珍在先：「覺得佢好正，之後識咗佢個女發覺仲正！」咁識講嘢，抵佢追到女神啦！

而首席營運總監馬浚偉早前被傳上任後業績麻麻，疑為做靚條數而年尾向員工「開刀」，馬浚偉否認傳聞後首現身，但就拒絕做訪問兼影單人相，就連台上大合照都冇影，話唔想搶歌手fo喎！另外，據新聞稿上表示，馬浚偉果斷廢除「分豬肉」慣例，不過據知今年獎項數目仍然係有60幾個之多！

【Viu】由黃子華、許冠文、Michelle衛詩雅、朱栢康、周家怡等主演嘅《破·地獄》，上畫6日票房已經速破3500萬大關，仲打破香港電影開畫日多項紀錄，氣勢如虹！

【Viu】IU一直都對黑粉「零容忍」，以強硬的態度，透過法律途徑去應對。日前，她的經紀公司公開了近兩年間有關起訴黑粉的詳細報告。即睇Viu《K1韓娛新聞》！

【Viu】林峯今日現身昂坪出席活動，期間同fans玩遊戲又自拍，十足開fans meeting咁happy！自稱勁有儀式感嘅阿峯，指聖誕節會同屋企人交換禮物，咁啱日前佢又同老婆張馨月慶祝結婚5周年大日子，阿峯點冧爆老婆先？到底佢做咗啲咩嚟逼死全世界嘅男人？

【Viu】韓佳人日前拍攝網絡節目試食「辣雞麵」後被送往急症室，事後笑稱以為自己當時會死。即睇Viu《K1韓娛新聞》！

【Viu】Sammi鄭秀文今早現身美妝品牌活動，佢謙稱都怕自己太早唔在狀態，講到佢話化濃妝會吸引異性，佢又係咪用呢招先？叱咤最新公布「我最喜愛的女歌手」15強走勢，Sammi佔其中一席位，佢聽到即笑話好似對面星球發生嘅事咁，自己冇參與好耐，不過諗起當年《我們都是這樣長大的》冇親自上台攞獎，係心中嘅小遺憾！

【Viu】COLLAR成員Marf邱彥筒、Sheena陳書昕、Adam栢天男同Shin張毓軒今晚出席新片《寄了一整個春天》首映，為咗配合電影主題，Marf著咗由多套內衣褲組成嘅裙仔，連嘴唇都貼埋Lace，笑認為此冇食嘢，齋飲水咋陰功！

講到螢幕初吻獻咗畀Adam，Marf坦言錫有鬚嘅男士冇乜不適，又話現實中冇試過喺戲中強吻Shin咁大力。雖然男友Locker已經睇咗，仲讚自己做得好，但Marf最尷尬係早排同媽咪一齊睇戲，又爆媽咪讚Adam好靚仔。咦？咁COLLAR隊友睇咗未？Marf就估到晒佢哋咩反應喇！笑問驚唔驚Fans或者Locker寄刀片畀兩位男對手？文青系嘅Sheena竟然搞咗爛Gag，真係估佢唔到呀！

此外，Adam同Shin都講返同Marf嘅咀戲，飾演變態教授嘅Adam仲揚言想挑戰更大尺度，拍《三夫2.0》都殺喎！想知就睇足本訪問啦！

【Viu】日本男神木村拓哉女兒木村光希（Koki），今晚喺颱風「桃芝」 3號波下為商場戶外嘅聖誕亮燈儀式擔任嘉賓，活動前都仲落住大雨，但Koki一出嚟就即停雨，女神降臨嘅威力堅係非同小可呀！

索爆Koki開心share最難忘嘅聖誕節，就係有年爸爸木村扮聖誕老人，點知Koki嚇親，呢單嘢真係笑爆嘴！Koki又指收過最開心嘅聖誕禮物，就係媽媽工藤靜香喺16年前送嘅，係咩禮物咁令Koki冧豬？咁噚日（13日）就係木村生日，Koki又點同爸爸慶祝？

講到Koki接拍日版《女神降臨》電影，佢話高中嗰陣就好鍾意呢套漫畫，可以參演其中又開心又感到光榮！首次拍喜劇嘅Koki喺戲中有唔少眼鏡look醜化場口，佢笑話有專登對鏡練習，更自爆有融入私下嘅其中一面添，真係超期待呀！另外，早前Koki為媽媽新歌《霙》MV做女主角，佢話係自薦㗎，點解Koki想有呢次嘅母女合作？即刻去睇足本訪問啦！Koki真係好靚女呀！

【Viu】COLLAR成員Ivy So今日出席聖誕亮燈活動，雖然活動因8號風球延遲，但大批「蘇蝦」仍然冒3號波嚟撐偶像，Ivy都笑認同大家「打風都打唔甩」呀！講到佢密密吸金，係咪COLLAR中嘅小富婆？Ivy就謙稱唔係，事關Marf同Day都好多Job，仲自爆麻甩口味，認真搞笑！

至於聖誕節，Ivy So自爆中學時試過送兩包米畀朋友做聖誕節禮物，仲親自拎住行斜路，唔止冇反面，到依家都仲係Friend子！Ivy又話今年想同COLLAR一齊cosplay出街玩，可以「蒙面」做盡瘋狂嘅事，咦？咁7位靚女一齊扮咩遊街呢？睇足本訪問咪知囉！

【Viu】金炳萬前妻日前向媒體爆料，表示在婚姻中多次被毆打。金炳萬的經理人公司隨即回應傳聞。即睇Viu《K1韓娛新聞》！

【Viu】昨日（12日）演員宋再臨逝世，終年39歲。即睇Viu《K1韓娛新聞》！

【Viu】ViuTV全新真人騷《選角》現正熱播中，係咪覺得有幾位參賽者熟口熟面呢？小編率先為大家介紹5位幕前經驗豐富嘅參賽者，包括曾經參加《全民造星IV》嘅右雨同暐翹、《試當真》校草之一Meaning、Youtuber Happy同Santis，到底佢哋為咩參加《選角》？喺比賽中又學到啲咩呢？等佢哋一一解答啦！

既然參加得《選角》，一定係以做演員為目標，右雨、暐翹、Meaning、Happy同Santis分享最想同邊位重量級演員合作，仲即席實測演技，模仿兩位主持謝君豪同陳湛文之餘，仲互相模仿，好有potential喎！

【Viu】劉德華、「Dee哥」何啟華、Locker林家熙、Natalie許恩怡同黃愷傑今晚為《焚城》謝票，華仔表示之後要閉關準備12月紅館騷，所以之後嘅謝票重任會交畀一班年輕演員。但如果《焚城》喺自己開完騷都仲上緊，就一定會再出嚟謝票回饋觀眾支持，仲計劃埋開《焚城2》添喇！講到今日喺另一謝票場喜遇老友Sammi捧場，華仔當然開心，但未知幾時可以同Sammi再續片緣喇！

【Viu】「甘比」陳凱韻同女兒Josephine劉秀樺、俄羅斯型男利路修同KOL Lillian Kan今日出席潮店活動，「最強織女」甘比仲為小丸子公仔織咗背心仔同手套，仲只係用咗10分鐘就完成喇，超勁呀！講起最愛嘅針織，甘比就滔滔不絕，最沾沾係親手織嘅「Magic Heart」有撮合姻緣嘅作用，佢話已經成功為兩姊妹客人牽紅線，堪稱「現代月老」喎！

【Viu】人氣偶像男團THE BOYZ的成員ERIC在官方社交平台帳號上傳了安全套的相片而引起熱話。即睇Viu《K1韓娛新聞》！

【Viu】網民告發崔東錫涉性侵妻子朴芝潤，警方調查後終有結果。即睇Viu《K1韓娛新聞》！

【Viu】影帝謝君豪為ViuTV全新真人騷《選角》首任策劃人，碌爆友情卡邀請一眾好戲之人做導師同評判外，原來第一張碌嘅卡正正係Peter陳湛文，全因呢位演藝師弟夠搞笑咁話！首次做主持嘅Peter大呻難度高，除咗要保持7分清醒去控場之外，連感動都要「偷偷摸摸」；豪哥都直言為協助一眾參賽者搞到食唔安瞓唔樂，兩位真係超有Heart呀！

【Viu】Jeremy@MIRROR今日單拖出席活動，期間表演一口食雪糕而唔整污糟個嘴仔，新技能get！問到最想同邊位MIRROR成員冧食雪糕？Remy扮諗咗一陣答「大表波」Stanley，笑住解釋Stanley噚晚喺fans meeting「激嬲」咗佢，巨龍與豬仔咁樣打情罵俏法，要戴返副黑超先得啦！

【Viu】近日一間韓媒機構向200名業內人士進行了統計調查，《背著善宰跑》的邊佑錫和金惠奫被選為年度最佳電視劇情侶！即睇Viu《K1韓娛新聞》！