【Viu】現年74歲、有金牌經理人之稱嘅Paco黃柏高，最近接受商台《星光背後》主持梁泰來訪問，講到抗癌10個月嘅歷程，佢坦承喺2019年7月發現病徵：「嗰時好惡劣，咳得好緊要，痰又帶血。以前我飲酒，一個星期飲醉八晚，成日以為醒唔到，到發覺出現問題，先發覺真係會死。當時驚㗎！我諗住玩完，但都要接受。我覺得係自己攞嚟，之前實在太瘋狂。」

【Viu】全炫茂和BoA為醉酒直播中的失言道歉，但網民對兩人的道歉反應兩極，再次引起熱議。即睇Viu《K1韓娛新聞》！

【Now.com】林峯相隔9年的香港演唱會《GO WITH THE FLOW 林峯演唱會 LF LIVE IN HONG KONG 2025》，6場門票今日（4月11日）開售，於一小時內售罄，並宣布於5月28日終極加開尾場，場次加至共7場，為林峯歌唱生涯再刷新紀錄。
 
林峯已先後5度站上紅館舞台開騷，繼2016年的《HEART ATTACK林峯演唱會》，時隔9年後的今天，「峯潮」更勝從前，還強勢舉行7場紅館個唱，現階段林峯正為演唱會練歌及排舞，務求透過四面台為觀眾帶來精彩的視聽享受。

【Viu】Grace陳凱琳今日現身護膚品活動，身為3子之母真係fit到漏，但Grace就話生仔令佢缺鈣經歷3次嚴重脫髮。Grace又透露最近拍拖活動係陪鄭嘉穎打網球，仲得到老公讚賞添！

【Viu】舞台劇《你好，打劫！》載譽重演！呢次搵嚟朱栢謙擔任導演，然後佢再搵埋細佬朱栢康埋班，兩兄弟兼兩大劇帝首度喺舞台劇界合作，到底會擦出啲咩花火？朱康自爆之所以對戲劇有興趣，全因為一男子，究竟係邊個？佢仲話細個嗰陣係視哥哥做hero添，當中有咩故事聽？

【Viu】據韓媒指，「金秀賢防治法」已超過五萬人聯署，將送國會審議。即睇Viu《K1韓娛新聞》！

【Viu】《第四十九屆香港國際電影節開幕典禮》今日舉行，古天樂、日本影后安藤櫻、日本著名導演中島哲也、開幕電影《搖籃凡世》導演張吉安、主演廖子妤同袁富華現身紅地氈，安藤櫻仲自認係星爺Fans，好想見吓對方！

最近頻頻戴超現身嘅古生，原來並唔係因為「今期流行」，而係因為視網膜穿咗窿，之後仲要做手術添呀！不過，古生最擔心都唔係呢樣，反而係因為之後要進行一個鐘嘅座談會先頭痕，仲話係親自挑選游學修做主持，亦有關心「試當真」停運一事。

講返電影先，聽聞《風林火山》上映在望，甚至有外媒激讚古生同青雲嘅演出大有機會問鼎「康城影帝」，古生聽完都一頭「黑人問號」，仲叫大家問返導演Juno咁話。

此外，古生早排去咗韓國睇GD演唱會，羨慕死一班買唔到飛嘅VIP，佢就以兩個字嚟形容，咦？咁一齊睇騷嘅靚女又係咪GD家姐呢？睇足本訪問等古生話你知啦！

【Viu】搞笑藝人朴娜勑遭到入室爆竊，臨時缺席電台節目。即睇Viu《K1韓娛新聞》！

【Viu】不嬲寵粉嘅男神鄭伊健日前以「久別重逢」為主題，筵開25席招待約300位來自香港、內地、台灣、日本、韓國、新加坡等各地fans，慶祝歌迷會成立33周年。伊健呢日身兼導演兼司儀，安排晒成個活動嘅表演項目，又靚仔又貼心，小編都感動到哭咗！

而Fans就剪輯咗33年嚟同伊健經歷過嘅片段，向來都唔係眼淺嘅「浩南哥」，都感動到爭啲破功，佢話：「30幾年，有啲朋友喺度，有啲移咗民，有啲朋友⋯⋯大家身體健康！」然後喪隊水先忍得住啲眼淚，巧Cute呢！

伊健又喺台上宣布出碟喜訊，「以前香港唔太重視電影音樂，直至陳光榮出現，《仍能情深愛上》來自《姊妹情深》。仲有《風雲》、《中華英雄》、《極速傳說》，唔只我嘅電影，仲有《無間道》同《頭文字D》都係來自陳光榮。依家好多電子嘢，撳個掣就聽到，好少人會做隻碟留個回憶，佢就係做緊呢件事。」快啲入嚟睇現場實況片，感受吓男神伊健幾有愛啦！

【Now.com】「鄭伊健真心同盟國際歌迷會」成立33周年，日前以「久別重逢」為主題舉行聚會，筵開25席，招待約300位來自香港、內地、台灣、日本、韓國和新加坡等各地fans，非常熱鬧。相隔8年再辦歌迷聚會，伊健很緊張，化身導演兼司儀，親自安排表演項目。除了邀請合作無間的音樂監製陳光榮、歌手朱雋言和圈外好友Percy ，組成期間限定band表演，還有陳光榮兒子Aiden演奏大提琴打頭陣。Fans就以這30幾年來，跟伊健經歷的片段剪輯成MV回禮。伊健看後非常感動，一度講不出話，強忍淚水。他說：「30幾年，有啲朋友喺度，有啲移咗民，有啲朋友⋯⋯大家身體健康！」

【Viu】Jennie最近為時尚雜誌拍攝的封面引起網民熱議。即睇Viu《K1韓娛新聞》！

【Now.com】MIRROR成員邱士縉Stanley 2025年第二支個人單曲《無限回合》強勢登場。日前，Stanley在社交媒體上預告將推出新歌，透露新作為熱血故事，力邀網民及粉絲由《有脊椎動物》﹑《無限回合》及《負責聲明》中三選一民選歌名，事關Stanley為揀歌名極度頭痛，最後由《無限回合》大比數勝出。新歌以激昂旋律與勵志歌詞，傳遞「永不言敗」的信念，鼓勵樂迷即使夢想看似遙遠，只要堅持奮鬥，終能突破界限。歌曲更巧妙結合香港劍擊運動的熱血故事，呼籲大家無懼跌倒，為目標全力衝刺！  

【Viu】入行超過20年嘅Philip伍允龍，主演電影《九龍城寨之圍城》唔止令佢再度「打」出名堂，「王九」呢個角色更令佢首嘗被提名金像獎滋味，入圍「最佳男配角」！講返起當日收到喜訊嗰一刻，Philip直呼既開心又窩心呀！佢又特別感謝fans嘅支持，笑話依家多咗班「伍太」係好幸福嘅！咁唔知真·伍太幾時會出現？

回望過去，Philip坦言經歷過好多風雨、低潮期，例如係早年被傳媒以「奀星」形容、受高層氣兼打壓、被不公平對待等，一路走到呢個moment，終於吐氣揚眉？另外，Philip除咗係有演員身份之外，佢仲身兼武術指導、武術家，亦收咗唔少星級徒弟，而最廣為人知嘅就係謝霆鋒啦！佢同霆鋒之間有咩趣事發生？除咗霆鋒，佢仲有邊位得意門生？想知就睇片啦！

【Viu】談善言、楊偲泳、Locker林家熙、岑珈其同袁富華（Ben哥）今晚出席新片《搗破法蘭克》首映，珈其認為眾籌拍戲係新出路，即席撩Locker夾錢開戲，仲實牙實齒話先拎100萬打本，果然財力雄厚！講到「試當真」宣布結束營運，Locker表示早公眾一星期知悉，認為經歷過咁多是是非非後，結束係最好嘅選擇，仲爆游學修通知自己時講到喊，自己就最唔捨得冇咗個地方一齊玩！而珈其雖然比Locker遲知道，但就口快快踢爆「試當真」會繼續拍電影，包括《小朋友齊打交》真人版，食咗誠實豆沙包咁款，嚇到Locker面都青埋呀！

【Now.com】林峯相距9年後，將在5月於紅館再舉行個唱《GO WITH THE FLOW 林峯演唱會 LF LIVE IN HONG KONG 2025》。消息甫公布即掀撲飛熱，5月23、24、25日的3場演唱會門票日前接受優先訂票，火速售罄。主辦方今日（9日）宣布一口氣加開3場（5月22、26、27日），即下月個唱共開足6場，打破林峯入行以來的演唱會場次紀錄！門票將於11日（五）早上10時於城市售票網公開發售。

【Viu】資深演員陳秀珠、陳安瑩、陳輝虹同黃文慧今日出席ViuTV原創劇《麻甩媽咪》記者會，珠姐大讚飾演阿仔嘅Frankie靚仔，單係見到已經覺得Sweet，仲話自從MIRROR成軍後，電視基本上長開99台，連最新團歌《手印》都有睇，真鏡粉嚟㗎！至於安瑩姐就話12個都愛，聽到Tiger將於星期六日開騷，仲猛話要睇，超可愛呀！而陳輝虹亦發揮搞笑本色，不時按捺住兩位興奮嘅鏡粉，叮囑佢哋要小心啲講嘢！

【Viu】黃德斌、Jennifer余香凝、MIRROR成員Frankie、Tiger同COLLAR隊長Gao今日出席ViuTV原創劇《麻甩媽咪》記者會，Gao大讚Tiger可愛又搞笑，笑言感情線出街後預咗收「小虎隊」刀片。講到噚晚睇Coldplay啟德演唱會，Gao大讚Marf好型好叻，睇到主音Chris Martin邀請Marf合唱時，直頭感動爆喊，最感謝Marf選唱《idc》，好似帶埋COLLAR一齊上台咁！至於男友Luen Mo都有份表演，Gao同樣感動，仲話喺騷後以「巿民Gao」身份受訪好好玩添呀！

【Viu】朴寶英在節目上自爆自己最近的狀況。即睇Viu《K1韓娛新聞》！

【Now.com】英國知名樂隊Coldplay香港演唱會「Coldplay: Music Of The Spheres World Tour」昨晚（8日）起在啟德主場館開鑼。相隔16年終於重返香港，歌迷們都十分興奮。主唱 Chris Martin更以廣東話向fans問好：「大家好，我哋好開心嚟到香港！」，瞬間令全場氣氛高漲！

【Now.com】英國知名樂隊Coldplay香港演唱會「Music of the Spheres」昨晚（8日）起在啟德主場館開鑼，不少樂迷都形容氣氛很好，看得感動。人氣女團COLLAR的成員Marf（邱彥筒）除了擔任暖場嘉賓，性感跳唱焫㷫全場外，更在正式演出時再度登場，與Coldplay主音Chris Martin驚喜合唱《We pray》，Marf更演繹廣東話歌詞版，將現場氣氛推至高點！