【Viu】歌手潤荷昨日（5日）突然上傳手寫信公布結婚消息。即睇Viu《K1韓娛新聞》！

【Viu】Girl’s Day 前成員李智仁，現已改名為張惠利並轉型為trot歌手。她日前上節目自爆曾經受邀出席酒局，並收到潛規則的提議。即睇Viu《K1韓娛新聞》！

【Viu】2025年首場拉闊音樂會嘅主角就係林家謙、洪嘉豪、「On仔」陳健安，三子組隊演唱詞人Oscar之作！其中家謙唱拉闊嘅經驗最豐富，佢笑話計埋呢round，三次都係拍住男歌手，所以佢提議可以男扮女聲補下啲陰氣，仲唔介意自薦做「林家her」添！才子果然有啲計仔，咁唔知喺歌衫上又使唔使加啲女性化元素？

對比起On仔有成9成嘅歌都係Oscar之作，Kaho透露同Oscar喺音樂上僅合作過一次，勁沾沾咁話好榮幸可以參與其中！林家her跟手預告到時會加插戲劇元素，佢哋更爆初步排好咗個歌list，準備5月唱爆亞博！至於三子會唔會大跳「鈣質舞」？點樣分上、下半part咁跳？聽完堅係會笑爆嘴！

Kaho三度擔任「地球一小時」大使，最近釋出嘅一條英文version嘅宣傳片成熱話，自稱英文Good Good Good嘅Kaho怕醜mode話大家其實係欣賞Ian嘅流利英文啫，佢就保持香港特色口音！

講到院長應該讀完軒公送嘅online音樂課程，成績如何？點知佢用「愧對」二字做總結，到底發生了甚麼事？院長亦有就日前被網民指小路出大路唔讓校巴呢單car accident回應，表示實屬誤會，at the same time仲還原當時情況，並最後跟受影響單位講聲唔好意思。

另外，音樂才子方大同上月尾因病離世，事出突然震驚中港台樂壇，三子勻表示痛失才子好可惜，On仔謂會用方式好好掛住方大同，林家謙更指方大同係佢創作路上嘅啟蒙老師，難以接受對方離開。

【Viu】《換乘戀愛2》出演者金泰伊去年醉駕，昨日（4日）爆出已被正式起訴。即睇Viu《K1韓娛新聞》！

【Viu】MIRROR四子Ian、姜濤、Anson Lo同Edan今日出席護膚品活動，吸引大批Fans撐場，四子亦不時揮手派心慰勞苦候多時嘅Fans。

講到Ian憑《久別重逢》入圍金像獎「最佳新演員」，姜濤、AL同Edan即送上祝賀，Ian認為入圍已經係肯定，唔敢諗得獎，仲分享咗即將出發去倫敦開巡唱嘅心情。至於剛考獲車牌嘅姜濤就話未打算買車，笑問Ian同Edan會否借出愛車畀新牌仔試車？佢哋嘅反應真係siu 4呀！

而AL就講返喺米蘭時裝周請兒時偶像阿Sa食飯嘅開心事，仲笑認冇人同自己爭埋單。Edan就劇透「妹豬組」綜藝有咩爆點，預告會濕身上陣，笑到姜Admin忍唔住要搭嗲，兩位仲講埋喺「生啤盃籃球明星賽」有隊友變對手嘅感受添！

此外，盛傳MIRROR部份成員會擔任韓國女團BLACKPINK成員Jisoo香港騷嘉賓，其中一位係姜濤，想知就睇足本訪問啦！

【Viu】趙寅成宣布離開合作十三年的公司。即睇Viu《K1韓娛新聞》！

【Viu】GFRIEND成員睿隣日前在Instagram上傳了自己在辦公室工作時的照片，疑似轉行保險業。即睇Viu《K1韓娛新聞》！

【Viu】眨吓眼Dear Jane就成軍20年啦！為慶祝入行20周年，4子三度踩上紅館大舞台，喺嚟緊5月開4場演唱會，同fans一齊唱爆紅館同時嚟個回憶之旅！Dear Jane四大之最，「最唔想唱嘅歌」、「最不堪回首」、「最感動」、「最辛苦」又係邊幾個moment？Tim難忘開騷爆褲；Jackal自爆驚被退團；Nice台上打鼓打到手抽筋；Howie遺憾喺MV仆低，超多BTS！

【Viu】40年代經典粵語片笑匠俞明，於上月4日、初七人日早上於睡夢中安祥離世，享嵩壽100歲。今日於香港殯儀館以傳統佛教儀式設靈，並於明早11時舉行封棺及大殮儀式、中午12時正式出殯，靈柩隨即移送柴灣歌連臣角火葬場火化。

【Viu】小薯茄成員程人富同朱Mic今日出席《公司逼我打籃球》記者會，首度開腔回應吳冰細妹吳泳同健身教練偷食一事，富哥同朱Mic話呢排冇返公司，冇見到阿冰，但有問候對方，公司亦有同事睇住佢。富哥坦言阿冰唔需要因此同小薯茄道歉，反而大家會照顧佢，相信情緒冇問題嘅！

Fatboy@ERROR、193@ERROR、George@P1X3L今日以新組合「PUZZ13」出席《公司逼我打籃球》記者會，再次孖師兄受訪嘅George已經完美「ERROR化」，自動波擺出ERROR手勢，仲教埋師兄擺P1X3L手勢，笑爆全場！三位仲話要以「PUZZ13」名義吸金，3爺笑指因為佢哋歌詞寫過「就算跌崩一隻牙齒」，所以可以代言牙醫，仲話要搵許廷鏗傾吓合作大計，SLDPK呀！

【Viu】徐仁國和鄭恩地日前分別在Instagram上傳穿著情侶裝在同一個地方拍攝的照片，預告時隔13年的新合作。即睇Viu《K1韓娛新聞》！

【Viu】演員姜明珠不敵癌症病逝，終年54歲。即睇Viu《K1韓娛新聞》！

【Viu】劉青雲、Karen莫文蔚同韓星CL今日出席名錶活動，CL僅閃現廿秒，但仍識做地風騷派飛吻。青雲透露人生中第一隻靚錶，正正係太太郭譪明所送，閒時都有戴情侶錶同撞衫，心有靈犀㗎！講到憑《爸爸》入圍《亞洲電影大獎》嘅「最佳男主角」同爭金像獎影帝，青雲坦言一定要對自己有信心，但唔會視其他入圍者係「對手」，皆因大家都係熱愛電影嘅電影工作者，無論邊個攞獎都開心！咦，咁許冠文係咪最大勁敵呢？青雲就謙稱唔係好敢同大大大大前輩比較喇，又話戥老友子華神冇份提名可惜，但笑言對方拍幾套嘅票房已經超越自己成世人啦！

【Viu】李居明大師、薛家燕、米雪及龍貫天等今晚告別北角新光戲院，吸引數百巿民圍觀。李居明師2012年以月租100萬接手續租新光，令本來早已結業嘅戲院「翻生」，眨眼12年之後，今晚李居明陪幾百粵劇迷欣賞最後一台戲《小平你好》之後，11時散場就親手主持熄燈兼關大閘儀式，正式告別新光，不再續租。

李居明喺台上表示當年明知蝕本生意，唔甘心粵劇文化失傳所以接手，又自爆當時親手寫信求原業主答應續租，內容聲淚俱下望粵劇演員豐足，好有愛！李居明更表示多次游說家燕姐演粵劇惜被拒絕。

家燕姐儀式後接受訪問表示喺杭州拍戲趕返嚟，佢哽咽話萬般不捨，又感激大師多次分文不收俾場地佢旗下嘅家燕媽媽藝術中心演出。米雪同江美儀就緬懷以前嚟睇戲，有好多嘢食賣包括雞腳咁，又指終結唔等於悲觀，唔使安慰大師。想睇新光戲院熄燈情況，快啲CLICK入嚟睇片啦！

【Now.com】第97屆奧斯卡頒獎典禮於本港時間今早（3日）8時在洛杉磯舉行。話題作《阿諾拉》（Anora）橫掃最佳電影、最佳導演等五個獎項成為大贏家，年僅25歲的米姬麥迪遜（Mikey Madison）更憑此戲擊敗大熱門的狄美摩亞（Demi Moore）爆冷封后。而艾哲倫保迪（Adrien Brody）就憑《粗獷派建築師》（The Brutalist），相隔22年再成影帝。

【Viu】女團Nine Muses出身的懸雅日前公開多張大肚相，並分享了過去兩年懷二胎以及育兒的經歷。即睇Viu《K1韓娛新聞》！

【Viu】防彈少年團（BTS）成員Jin在去年的線下活動被強吻，警方立案調查50歲日本粉絲後向她提出出庭要求。即睇Viu《K1韓娛新聞》！

【Viu】Tony洪永城今日同太太Inez梁諾妍、大女Amber洪靖嵐一齊拍廣告，3歲大嘅Sir Face可愛爆燈，除咗錫錫嗲哋媽咪外，又即席示範拉筋動作，仲識接受訪問添，Kawaii呢！Tony同Inez笑言主角Amber酬勞最高，兩夫妻只係配角，又大讚阿女精靈活潑，完全唔怯場，唔止個樣係Sir Face，連social能力都係神複製Tony，仲話今晚要食朱古力雪糕當獎勵，笑爆全場！

【Viu】一連兩場《陶喆 SOUL POWER II 世界巡迴演唱會 - 香港站》
今晚尾場圓滿結束，陶喆完騷後受訪，佢話相隔多年重登紅館非常感動！提到前一晚演出中途場館停電22分鐘，陶喆謂緊張到好似停咗成粒鐘咁耐，淨返支咪同結他有電，都唔知講咩好！

佢又話自己把聲唔係幾好，可能因為嚟香港前搞緊新專輯，唔夠休息，都係靠歌迷畀力量去唱完，仲要靠專注去克服，豁出去啦！

提到好多歌迷叫佢做老公，陶喆笑言唔覺得自己多咗好多老婆，又話聽見叫佢嘅都係男生居多！

至於噚日唱《愛愛愛》致敬音樂才子方大同，今日佢喺台上就話生命好脆弱，要好好珍惜身邊人，尤其自己做咗人爸爸，所以更有同理心。陶喆話覺得好遺憾，得嗰41歲咁後生，真係好可惜，自己同大同唔算好熟，不過當聽到呢個消息，團隊成員包括音樂總監及結他手都同大同比較熟，都喊到眼紅晒，於是佢就問對方介唔介意唱首歌做致敬，大家都話唔介意，臨時決定所以都冇乜點綵排，當係一個尊敬囉！佢原本有諗過今年做另一個tour，想搵大同做嘉賓，可惜！想知更多，睇足本訪問！