【Viu】「蜘蛛女」鄭麗莎（Lisa）、小薯茄成員程人富、肥蚊、阿J同嘉盈@FHProductionHK今日出席舞台劇《那一年，打轉教室》記者會，富哥、肥蚊同阿J笑認飾演靚仔學生係本色演出，又爭住認自己最靚仔，但嘉盈似乎就有保留喇，事關佢起初以為朱Mic會有份參演，言下之意大家明啦！
講到今次係冇對白嘅動作喜劇，小薯茄三子同嘉盈都話唔講嘢難過學動作場口，皆因大家都靠把口搵食，所以每次排練完都要瘋狂講返夠本，認真搞笑！佢哋仲踢爆Lisa體能超強，每次排練前都進行咗一系列運動先到場，排練完又要湊仔，期間又參加大大小小比賽，簡直係「鐵人媽咪」！想知道五位點樣「聽身體唱歌」，就睇足本訪問啦！
